Accidente de circulación fatal na saída da autoestrada

 Como consecuencia dun accidente, un conductor faleceu na saída dunha autoestrada. O vehículo saíuse da calzada nesa saída, deseñada cunha curva moi pechada e perigosa e sen gardarraís. As pegadas de freado e as manifestacións dun dos ocupantes do vehículo acreditaron o exceso de velocidade do vehículo. O cónxuxe e os fillos do finado presentaron unha reclamación á Administración Pública que, denegada por silencio administrativo, foi recorrida en vía contencioso-administrativa. A Audiencia Nacional estimou parcialmente o recurso ó considerar que había relación entre o estado da estrada, sen gardarraís, e o accidente, pero tamén atopou culpa no conductor. Aplicando o criterio da concorrencia de culpas, concedeu unha indemnización inferior á solicitada. A Administración Pública recorreu a sentencia ante o Tribunal Supremo, ó entender que a única causa do accidente foi o exceso de velocidade, pero o Supremo desestimou o recurso. Segundo o Supremo, en sentencia do 23 de decembro do 2002, a responsabilidade da Administración é obxectiva e tócalle a ela proba-la neglixencia da víctima co fin de se eximir de toda responsabilidade.

Relacións deste contido