Accidente mortal nun banquete

 Durante a celebración dun banquete de vodas e no momento en que os noivos se dispuñan a parti-la torta, o pai da noiva accedeu ó espacio existente entre a mesa nupcial e o final do escenario co fin de sacar unha fotografía. Nunha distracción perdeu o equilibrio e caeu á sala desde a altura dun metro, fracturando o cranio. Faleceu dous días despois. A familia demandou ó establecemento por neglixencia, dado que a zona indicada non estaba protexida cunha varanda. E o Tribunal Supremo, en sentencia do 2 de decembro do 2002, tamén o considerou así, declarando a responsabilidade do dono do establecemento. Como a mesa nupcial se situou enriba do escenario sen ningunha protección e ademais, gracias ó vídeo, quedou claro que este espacio podía ser utilizado sen trabas e era un espacio aberto usado polos comensais, considera o Supremo que o risco de caída foi creado polo establecemento. E este risco produciuse como consecuencia da explotación dun negocio, con ganancias para o empresario, polo que este debe soporta-los danos que ese xeito de explotación crea. Sen embargo, rebaixa a indemnización ó entender que tamén houbo culpa na víctima pola súa imprudencia.

Relacións deste contido