Saltar o menú de navegación e ir ao contido

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Boletines
    •  | Baixa  | Máis opcións |
  • Portadas anteriores

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > O máis práctico > Consultorio legal

Λ

Se degoras que resolvamos tu caso en revista.consumer.es ponte en contacto con nosoutros. Como é lóxico, sólo serán publicadas as consultas que dende revista.consumer.es consideremos máis interesantes.

O aire acondicionado instalado no balcón do veciño, fonte de calor e ruído

Vivimos nun bloque de pisos e temos un balcón contiguo ós veciños, separado por unha lámina de ferro de 1,75 metros de altura. Hai pouco os nosos veciños instalaron un aparello de aire acondicionado, colgado do teito do balcón e rozando a separación de nosos balcóns. Na finca permítese colocar estes aparellos, sempre e cando non saian da parte da fachada que corresponde ó balcón. Os balcóns miden 1,90 metros de ancho cada un, o que permite coloca-los aparellos máis distanciados dos veciños. Este aire acondicionado provócanos ruído, calor (emite a calor cara ó noso lado) e impacto visual. Desde o comedor o aparello é visible e, ademais, tapa o sol. Fomos falar cos nosos veciños para expórmoslle-las nosas molestias (principalmente as acústicas), pero recibíronnos dun xeito totalmente agresivo e incomunicativo.

  As inmisións por exceso de ruídos, cheiros, fumes, calor, etc. poden xerar nas persoas molestias, traducidas en danos á saúde física e psíquica. Cando estas inmisións van máis alá do límite do tolerable, considéranse contrarias ó uso normal das cousas. Neste caso o mellor é recorrer a un avogado ou previamente requirirlles ós veciños o cese das inmisións por carta certificada, informando tamén de que non sendo así e se así se estima, se acudirá ós tribunais.

Neste último caso, na demanda pódese exercer unha acción negatoria de dúas maneiras diferentes: a primeira consiste nunha acción dirixida a elimina-las emisións molestas, e a segunda pode ir máis lonxe, ata o cese da propia actividade que orixina a perturbación. No tocante á fundamentación xurídica, estase construíndo unha doutrina que se apoia no artigo 1908.2 do Código Civil (sinala a obriga de responder polos danos causados por fumes excesivos), no artigo 590 (prohibe construír preto dunha parede medianeira cloacas, fornos, chemineas, etc.) e no artigo 1902 do mesmo corpo legal sobre responsabilidade extracontractual (establece a obriga de reparar o dano causado). Precisarase un informe pericial que determine a entidade dos danos, o nivel de ruídos e a súa incidencia.

Non obstante, antes de acudir ós tribunais tamén se lle podería solicitar por escrito ó presidente da comunidade de propietarios que introduza este asunto na orde do día da vindeira Xunta de Propietarios ou incluso a demanda podería presentala o presidente, con autorización da Xunta de Propietarios.


Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto