A etiqueta da alfombra provocou o erro da tinturería

Un cliente demandou a unha tinturería porque a alfombra que deixou para limpar encollera, os bordes estaban deformados e o tecido estaba amazocado e perdera cor. Todo isto debeuse a que na tinturería a limparan con auga. O cliente pedía como compensación que lle entregasen unha alfombra de iguais características ou que lle aboasen o seu valor. Durante o xuízo descubriuse que aínda que a alfombra contiña fibra vexetal ou cáñamo, o fabricante recomendaba na etiqueta usar auga para limpala, o que podía orixina-lo seu encollemento, segundo o informe pericial achegado no xuízo. Por iso, a Audiencia Provincial de Burgos, na sentencia do 20 de abril do 2001, determinou que a tinturería non tiña responsabilidade, xa que seguiu as indicacións da etiqueta. Desestimou a demanda dos clientes pero non os condenou a paga-las custas do xuízo, pois os datos que xurdiron durante o proceso, descoñecidos antes da presentación da demanda, explicaron as razóns do encollemento.

Relacións deste contido