Saltar o menú de navegación e ir ao contido

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Boletines
    •  | Baixa  | Máis opcións |
  • Portadas anteriores

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > O máis práctico > Consultorio legal

Λ

Se degoras que resolvamos tu caso en revista.consumer.es ponte en contacto con nosoutros. Como é lóxico, sólo serán publicadas as consultas que dende revista.consumer.es consideremos máis interesantes.

A cancelación da hipoteca nas escrituras corre por conta da constructora

A comezos de 1999 merqueille unha vivenda con praza de garaxe e rocho a unha constructora, que se comprometeu a entregala no ano 2001. Con nove meses de retardo respecto á data pactada comunicáronme o día e a hora para escriturar. A miña maior sorpresa chega cando, ó le-las escrituras, comprobo que os gastos de cancelación da hipoteca corren pola miña conta, algo que non constaba no contrato privado. Ó comunicarlle a miña intención de non aboar estes gastos, a constructora négase a escriturar e entregarme a vivenda. ¿Poderían aconsellarme que facer?

  A cláusula pola que o promotor ou vendedor lle traslada ó comprador os gastos de cancelación da hipoteca é abusiva, segundo a Lei Xeral para a Defensa dos Consumidores e Usuarios. Varias sentencias declarárona nula e condenaron o vendedor a devolve-las cantidades previamente aboadas por este concepto, máis perdas e danos.

Neste caso cómpre presentarlle de novo a reclamación á promotora, pero por escrito, mediante telegrama ou burofax certificado, ou a través dunha Oficina Municipal de Información ó Consumidor ou coa axuda dun avogado. Trátase de que quede constancia que faga fe. Se non hai resposta satisfactoria, hai dúas vías de actuación, pasando ámbalas dúas polos tribunais.

A primeira consiste en requirir notarialmente á promotora para que inscriba no Rexistro da Propiedade o contrato privado nas condicións que este recolle -polo tanto sen a devandita cláusula-. Tamén hai que comunicarlle que, se nun determinado prazo non o fai, se acudirá ós tribunais. Se finalmente non queda outro remedio que acudir ós tribunais, hai que solicita-la elevación a escritura pública e a entrega da vivenda nas condicións establecidas no contrato privado, amais dunha indemnización polas perdas e danos ocasionados pola negativa da promotora e o retardo na entrega -incluíndo o tempo transcorrido ata a sentencia-. O inconveniente desta opción é que non se pode dispor da vivenda ata que a sentencia sexa firme, polo que se a espera lle ocasiona prexuízos ó comprador da vivenda, podería optar por aboa-los gastos de cancelación que lle impoñen e despois acudir ós tribunais para reclamalos.

Se se opta por esta segunda vía -adianta-los cartos e reclamalos posteriormente- hai que deixar constancia escrita no Servicio de Atención ó Cliente da promotora das reclamacións telefónicas e da intención de aboa-lo importe da cancelación da hipoteca, con cita expresa dos motivos que o motivan: a imposición e intransixencia do promotor, a necesidade da vivenda e os prexuízos que está ocasionando o retardo na entrega, facendo fincapé na desconformidade coa cláusula.


Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto