Saltar o menú de navegación e ir ao contido

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Boletines
    •  | Baixa  | Máis opcións |
  • Portadas anteriores

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > O máis práctico > Consellos

Λ

Limpa-lo coche: A pintura require coidados específicos

Algúns costumes moi estendidos para limpa-lo coche resultan desaconsellables

  Limpa-lo coche regularmente forma parte dos coidados básicos para mantelo en óptimas condicións. Trátase dun traballo que debemos realizar regularmente, e non só por motivos de estética. O estado da pintura do coche é a súa tarxeta de presentación, indica cómo se coida por fóra e, no caso de querer vendelo, pode influír no prezo. Algúns costumes moi estendidos para limpa-lo coche, coma o de elixir días cun sol radiante para facelo ou utilizar estacións de lavado que empregan rolos de sedas, resultan desaconsellables.

Cándo e ónde lava-lo coche

  • Lava-lo coche regularmente non só mellora o aspecto dun coche, tamén aumenta o seu potencial prezo de revenda.
  • Convén lava-lo coche nada máis rematar de usalo, cando a lama e os restos de insectos e demais partículas aínda están brandas, xa que así se desprenderán máis doadamente. Se deixa seca-lo lixo, exponse a que se raie a pintura ou queden manchas nela.
  • Non lave o coche baixo o sol, e non pola calor, senón porque o lavado deixará pegadas na carrocería cando seque.
  • Procure evita-las estacións de lavado a base de rolos de sedas. Son moi prácticas, pero as máis das veces as sedas de plástico acaban raiando a carrocería. É preferible elixir estacións de lavado dotadas de chorro de auga a presión.
  • Sempre que lle sexa posible, lave o seu coche en estacións que dispoñan dun sistema de tratamento de auga por osmose. Este sistema descalcifica, desmineraliza e elimina o cloro da auga, polo que non deixa marcas de cal na carrocería e favorece o secado do vehículo.

De arriba cara a abaixo

  • Comece polo teito, para continuar polo capó, a cuberta do maleteiro, un costado, a fronte, o costado restante e as rodas. Seque o coche cunha camuza, asegurándose primeiro de que estea limpa de calquera gran de terra que poida raia-la pintura.
  • Se lava o coche á man, esquézase de panos e esponxas, que levantan a pintura ó fretala con diminutas partículas de po e area. Utilice unha mangueira, pero evite que a auga saia con excesiva presión, xa que pode facer que as partículas de lama e area raien o verniz.
  • Se é posible, empregue auga morna para o lavado e fría para o aclarado. Nunca auga quente, que pode estraga-la pintura.
  • Elimine as manchas de alcatrán cun pouco de alcohol, aclarando despois con auga.
  • Para axudar a quita-la lama da parte inferior do chasis e das rodas, pode empregar un cepillo brando. Fregue cando a lama estea xa amolecida pola auga, e sempre cun chorro desta.
  • Limpe a fondo as cubertas de goma ou as alfombras (estas por medio do aspirador e aplicándolles de vez en cando un producto adecuado). Amais de mellora-la estética do seu vehículo, poderá comprobar periodicamente o estado da prancha inferior do mesmo.

Gomas, cristais e faros

  • As gomas do limpaparabrisas deben estar limpas. Para coidalas, o mellor é pasarlles un pano húmido ou un algodón unha vez por semana. Non esqueza cambialas unha vez ó ano.
  • Mellore a limpeza dos cristais engadíndolle un pouco de lavalouzas ó líquido do limpaparabrisas.
  • Unha simple capa de po na superficie dos faros pode reduci-la súa eficacia ata nun 10% e a solución é tan sinxela como pasar de vez en cando un pano húmido.

Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto