A conta vivenda non serve para pagar gastos do crédito hipotecario nin os seus xuros

O 28 de decembro de 1998 abrín unha conta aforro de vivenda nunha caixa de aforros. As miñas preguntas son as seguintes: ¿O 31 de decembro do 2002 remata o prazo que teño para adquirir unha vivenda? ¿Podo seguir ingresando diñeiro nesa conta durante o presente ano 2002? ¿Como podo facer uso do total dos cartos ingresados na miña conta de aforro durante estes anos: dando a entrada da vivenda, pagando gastos de notaría, pagando gastos de apertura e formalización coa entidade financeira que me proporcione o crédito...?

  As contas aforro-vivenda poden manterse un máximo de catro anos, agás as abertas no País Vasco ou Navarra e as abertas antes do 1/1/99 no resto do territorio nacional, que se poderán manter durante cinco anos.

Os cartos aforrados deberán destinarse á compra da primeira vivenda e a entregas a conta, incluíndo tamén gastos de notaría, Rexistro da Propiedade e impostos, pero a cantidade aforrada mediante esta fórmula non poderá empregarse para aboar gastos do préstamo hipotecario e os seus xuros, xa que estes conceptos son cuestións diferentes ó gasto de adquisición de vivenda. Para rematar, cómpre ter claro que no caso de que realice depósitos durante o ano 2002, poderá aplica-la deducción na declaración do imposto sobre a renda do ano 2003. No tocante á declaración da renda do ano 2004 e tendo en conta que no ano 2003 xa adquiriu a vivenda habitual, poderá acollerse ás desgravacións pertinentes por investimento en vivenda. A perda do dereito á deducción fiscal no IRPF prodúcese cando o diñeiro aforrado na conta non se destina nese prazo de catro ou cinco anos á adquisición da vivenda habitual.

Relacións deste contido