As feridas que se fixo unha nena nas escaleiras mecánicas non foron responsabilidade dos grandes almacéns

Unha nena de dous anos subía coa súa nai e a súa tía polas escaleiras mecánicas duns grandes almacéns cando, sen causa clara, a súa man quedou atrapada nas escaleiras. A nena sufriu un traumatismo que fixo necesaria unha intervención cirúrxica, cicatrizando as feridas con normalidade e sen que lle quedasen secuelas físicas nin psíquicas. Os pais da nena demandaron ós grandes almacéns e reclamaron unha indemnización con base na responsabilidade extracontractual. Pero o Supremo considera, na súa sentencia do 29 de xuño do 2001, que non se acreditou certeiramente cómo aconteceron realmente os feitos e que non hai un nexo causal entre o propietario dos almacéns, nos que exerce a súa actividade comercial e que ten moitos elementos mecánicos e eléctricos, e o dano sufrido pola nena nunhas escaleiras mecánicas que carecían de fallos mecánicos ou de defectos de funcionamento e que ía acompañada e baixo o control da nai. Tampouco hai culpa no propietario polo que, faltando o nexo causal e a culpa, non hai obriga de repara-lo dano causado.

Relacións deste contido