Saltar o menú de navegación e ir ao contido

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Boletines
    •  | Baixa  | Máis opcións |
  • Portadas anteriores

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > O máis práctico > Consultorio legal

Λ

Se degoras que resolvamos tu caso en revista.consumer.es ponte en contacto con nosoutros. Como é lóxico, sólo serán publicadas as consultas que dende revista.consumer.es consideremos máis interesantes.

O dereito a recuperar unha vivenda alugada ou a actualizarlle a renda ó inquilino

Posúo un piso que aluguei hai máis de 25 anos con renda antiga, insuficiente para paga-los gastos que orixina a vivenda. Ademais eu véxome na obriga de vivir nun piso alugado desde hai 24 anos. As miñas preguntas son: ¿hai algún xeito de subirlle o alugueiro? ¿podo bota-lo inquilino para entrar a vivir eu?

No tocante á primeira pregunta, a Lei de Arrendamentos Urbanos de 1994 establece a facultade do propietario a actualiza-la renda nos contratos de arrendamento establecidos antes do 9 de maio de 1985. Para iso, débelle requirir fidedignamente (burofax con xustificante de recibimento) ó inquilino sobre a actualización da renda, regras de actualización e índices. O inquilino poderá opoñerse, comunicándollo fidedignamente ó arrendador dentro dos trinta días naturais seguintes á recepción do requirimento. Nese caso, o contrato extinguirase ós oito anos do requirimento e a renda só se poderá actualizar anualmente co Índice Xeral Nacional de sistema de Índices de Prezos de Consumo. Se o inquilino non exerce oposición á actualización, a renda actualizada será a renda inicial do contrato máis un índice corrector (pode solicitar axuda profesional para o seu cálculo).

No tocante á segunda pregunta, para recupera-la súa vivenda deberá acredita-la súa necesidade dela. Ó respecto segue vixente a Lei de Arrendamentos Urbanos de 1964: o arrendador que precise a vivenda para si ou para os seus ascendentes ou descendentes, poderá requirir ó inquilino para que a desaloxe no prazo dun ano a partir do requirimento. O inquilino ten dereito a ser indemnizado polo dono con dúas anualidades de renda se desaloxa a vivenda dentro dos seis meses seguintes á data do requirimento, ou con unha anualidade se a desaloxa dentro do ano. En calquera caso, deberá acredita-la necesidade da vivenda e probar que se dá unha destas situacións: que o propietario ou os familiares devanditos residan fóra do termo municipal no que se atopa a finca e precisen domiciliarse nel (por exemplo, por motivos laborais); que, aínda residindo na mesma poboación na que estea a vivenda, esta resulte insuficiente por aumento das necesidades familiares do dono; que o propietario ou un fillo contraian matrimonio e precisen a vivenda por este motivo, ou que o propietario, domiciliado no lugar no que se atopa a vivenda, se vexa obrigado a desaloxa-la súa residencia por causas absolutamente alleas á súa vontade.


Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto