Un transformador provocaba un campo electromagnético na súa vivenda

No 1986, unha familia adquiriu unha vivenda en Murcia, situada xusto enriba dun transformador eléctrico de media tensión. A actividade deste transformador provocaba un campo electromágnético que invadía o seu domicilio con valores permanentes noite e día superiores a unha microtesla (unidade de medición de campos electromágnéticos) e varias horas ó día superando incluso as catro microteslas. Por este motivo, abandonaron o domicilio e adquiriron outro en 1977. Meses despois, presentaron unha demanda contra Iberdrola. Dúas eran as accións que perseguía a demanda: a principal, que cesara a intromisión da actividade de Iberdrola na propiedade dos demandantes, xa que estaba perturbando a súa pacífica posesión da vivenda. A secundaria, que Iberdrola indemnizara os prexuízos sufridos polos demandantes a causa da intromisión. Durante o xuízo, quedou claro que era Iberdrola quen tiña que demostrar que non houbera intromisión por parte da súa actividade na casa dos demandantes e que os campos magnéticos eran inocuos. A Audiencia, en sentencia do 13 de marzo de 2001, dá a razón ós demandantes e condena a Iberdrola, en relación á acción principal, ó cesamento absoluto da intromisión. Con relación á segunda acción, o xuíz condena a Iberdrola a indemniza-los prexuízos económicos derivados do cambio de domicilio. Mais non condena, posto que tampouco os demandantes o solicitaran, a indemnizar por posibles efectos nocivos sobre a saúde desta familia.

Relacións deste contido