A doutora ofrecera iformación suficiente sobre a vasectomía practicada

Un matrimonio acudíu á consulta dunha doutora para que lle practicaran ó esposo unha vasectomía. Unha vez realizada, o paciente foi sometido a varias análises de esperma, dando como resultado a persistencia de espermatozoides vivos. Pese a isto, o matrimonio mantivo relacións sexuais durante o período postoperatorio sen utilizar métodos anticonceptivos, e a muller quedou embarazada. Por isto, demandaron á doutora polos prexuízos económicos que lles supuxo o nacemento dun cuarto fillo non desexado.

O matrimonio alegaba que foi vulnerada a Lei Xeral de Sanidade que prescribe, para a defensa dos consumidores, a obriga de proporcionar información correcta antes da intervernción.

Neste caso, o Tribunal Supremo determinou que nada se lle podía reprochar á doutora derivado de falta de información, pois cumpriu o seu deber proporcionando unha adecuada información pre e postoperatoria. A sentencia do 11 de maio do 2001 di que non se lle pode obvia-la existencia de información ó cliente, á vista dos numerosos documentos obrantes nos autos. A información foi correcta, suficiente e concreta, polo que absolve a demandada, condenando en custos ó matrimonio.

Relacións deste contido