Saltar o menú de navegación e ir ao contido

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Boletines
    •  | Baixa  | Máis opcións |
  • Portadas anteriores

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > O máis práctico > Consellos

Λ

Facer conservas: Elixir productos en bo estado e manipulalos correctamente, as claves

O final do verán é o momento idóneo para preparar marmeladas caseiras ou facer conservas de pementos, tomates, bonito...

  Nesta época abundan alimentos de temporada que se atopan só agora no seu punto, pero que se poderán seguir consumindo durante todo o ano se se conservan dalgunha maneira. Non obstante, antes de poñerse mans á obra convén lembrar unha serie de precaucións para que o resultado final sexa saboroso, san e saudable.

Bo estado dos alimentos

  • Escolla alimentos frescos e en estado óptimo.
  • Elixa hortalizas, verduras e froitas sen golpes nin mazaduras e seleccióneas por tamaños similares.
  • Os alimentos non deben estar nin moi verdes -ó conservalos perden parte do sabor e resultarían insípidos-, nin moi maduros -ó preparalos romperían-.
  • As conservas en vinagre póñense primeiro en salmoira (sal) para unha primeira fermentación antes de metelas no vinagre. Os productos pequenos fermentan antes cós grandes, por iso debe pinchalos con agullas de aceiro inoxidable, para evitar que a polpa ennegreza.

Medidas de hixiene

  • Lave moi ben as verduras e froitas. Non utilice deterxentes nin desinfectantes que destrúan a flora microbiana.
  • Manteña unha escrupulosa hixiene á hora de manipula-los alimentos: mans, roupa, pelo, utensilios, etc.
  • Antes do envasado, asegure a eliminación de posibles xermes sometendo os vexetais a unha cocción previa ou escaldado durante 5 minutos.
  • Esterilice os utensilios básicos (coadoiros, embudes, tenaces, botes...) fervéndoos en auga durante 15 minutos. Saque os tarros suxeitándoos polo colo.

Recipientes e outros útiles

  • Utilice olas, cazolas e cazos de aceiro inoxidable, cristal ou porcelana. Evite materiais reactivos como o aluminio.
  • Non empregue peneiras de metal coa froita aceda. Poden afecta-la cor e o sabor da conserva.
  • Evite o uso de materiais artificiais para filtrar e seca-la froita: son preferibles os naturais, como a muselina sen branquear, a estopiña ou o cálico, que non alteran o sabor nin a calidade da conserva.
  • Use tarros de boca ancha, con bordos grosos que resistan ben as altas temperaturas (100-114º). Os máis aconsellables son os que teñen un anel de goma ou unha tampa de vidro ou de metal suxeita ó tarro por algún tipo de resorte ou de clip. Asegúrese de que o cristal non está descascado.
  • Se volve utilizar tarros xa usados, asegúrese de que as xuntas ou gomas das tampas seguen en perfecto estado. Substitúa as tampas de metal se a capa de laca interior está desgastada ou danada. A laca protexe as tampas dos ácidos da froita.

Mellor consumilas antes dun ano

  • Distribúa o alimento aproveitando a capacidade do bote e deixe un espacio dun centímetro no bordo superior. Elimine as burbullas que se puidesen formar dando pequenos golpiños. Limpe o bordo cun pano humedecido en auga quente e peche o bote ó baleiro.
  • Esterilice os botes cheos e pechados para que os alimentos non se alteren con microorganismos. Nunha ola cun trapo no fondo, introduza os botes envoltos en trapos e cúbraos de auga ata o bordo, pero sen chegar ás tampas. En olas abertas: 30 minutos para as verduras e 60 para peixes. En olas pechadas a presión, a metade do tempo.
  • Se elabora marmelada e esta contén menos do 50 por cento de azucre, é necesario esterilizala. Se o producto contén máis da dita cantidade de azucre, a esterilización non é necesaria, posto que a sacarosa actúa como conservante.
  • Poña etiquetas en cada tarro co nome do producto e a data en que se preparou. Almacéneos nun lugar seco, fresco e escuro, sen apialos.
  • Lembre que aínda que as conservas ó baleiro duran anos, é mellor consumilas antes de 12 meses desde a súa elaboración.

Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto