Saltar o menú de navegación e ir ao contido

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Boletines
    •  | Baixa  | Máis opcións |
  • Portadas anteriores

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > O máis práctico > Consultorio legal

Λ

Se degoras que resolvamos tu caso en revista.consumer.es ponte en contacto con nosoutros. Como é lóxico, sólo serán publicadas as consultas que dende revista.consumer.es consideremos máis interesantes.

Ruídos molestos dunha cafetería co aire acondicionado e a cambota de fume estragada

Vivo nun primeiro andar e debaixo da miña vivenda hai unha cafetería coa cambota da cociña e o aire acondicionado estragados. Os ruídos que se xeran chegan ata o terceiro andar, pero, aínda así, a comunidade de propietarios non quere facer nada ó respecto. ¿Están os meus veciños obrigados a axudarme para resolver este problema de ruídos ou debo solucionar eu soa o problema? Nese caso, ¿que pasos debo seguir?

  En primeiro lugar, cómpre expoñérlle-lo problema ó presidente e ó administrador, instándoos a que lle soliciten ó titular da cafetería que repare a cambota da cociña e do aire acondicionado. Segundo o artigo 7 da Lei de Propiedade Horizontal, un propietario non pode prexudica-los dereitos doutros copropietarios, polo que está prohibido desenvolver actividades molestas, insalubres, nocivas e perigosas. Continuando as indicacións deste mesmo artigo, o presidente da comunidade, a iniciativa propia ou de calquera dos propietarios, débelle pedir a quen realice ese tipo de actividades que cesen de inmediato, advertíndoo de que, se non o fai, se emprenderán as accións xudiciais oportunas.

Pero se o administrador e o presidente, especialmente este último, non lle solicitan ó propietario da cafetería que repare a cambota e o aire acondicionado, cómpre enviarlle unha carta ó presidente da comunidade, instando a convocatoria dunha xunta extraordinaria cunha acta do día na que figure o problema. O propietario da cafetería, ó igual có resto dos veciños, debe ser citado á xunta. Nela someterase a votación requirirlle ó propietario do local que repare a cambota e o aire acondicionado.

Se o acordo é negativo, calquera veciño pode presentar denuncia escrita no Rexistro Xeral do seu Concello, reclamando unha inspección municipal da cafetería e das súas instalacións, para determinar se cumpren ou non a normativa pertinente. Será a Administración local a que lle requira ó titular do local que realice as reparacións precisas se a inspección é negativa.

Un nivel de ruídos superior ó permitido por ordenanzas municipais afecta á habitabilidade das vivendas e os tribunais están condenando a quen xera estes ruídos a aboar indemnizacións polos danos e molestias que lles ocasionan ós demais. Por outra banda, neste caso a causa dos ruídos está no deficiente estado da cambota da cociña e do aire acondicionado, o que pode resultar, non só molesto, senón inseguro para a propia cafetería, os seus clientes e o inmoble no seu conxunto.


Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto