Multa excesiva por non devolver en dous anos unha película de vídeo alugada

Un consumidor alugou dúas películas de vídeo en febreiro de 1998 a través do servicio de videotarxeta. O contrato estipulaba unha penalización por día de demora na restitución da película. Tras dous anos de demora, a empresa demandou ó usuario e reclamoulle a débeda.

Sen embargo, o Xulgado de Primeira Instancia de Córdoba condenou o usuario a aboar só un ano de demora (130.400 pesetas, máis intereses). A entidade comercial apelou á Audiencia Provincial e reclamou 350.000 pesetas por dous anos de retardo. Pero a Audiencia non llo concedeu e confirmou a sentencia de primeira instancia.

Segundo a sentencia da Audiencia do 9 de xaneiro do 2001, a cláusula sancionadora por retardo superior ós quince días é abusiva conforme á Lei xeral de Defensa do Consumidor e Usuario, xa que prexudica de maneira desproporcionada ó consumidor. Para a Audiencia, esta cláusula determina uns prexuízos excesivos por servicios que a partir dun ano xa non se van prestar (a videotarxeta caducaba nun ano) e implica un enriquecemento inxusto para a entidade comercial que, sen presta-lo servicio, transcorrido un ano, percibiría unha cantidade moi superior de beneficio, sen xustifica-la realidade das perdas e danos.

Relacións deste contido