Publicidade enganosa dun producto financeiro

A Asociación de Usuarios de Servicios Bancarios (Ausban) demandou á Caixa de Aforros do Mediterráneo, solicitando que se declarase ilícita e cesase a publicidade dunha oferta de depósitos a prazo fixo que a caixa realizou nun envío de cartas-circulares.

O xulgado 34 de Primeira Instancia de Madrid determinou que os productos ofertados na circular eran depósitos a distintos prazos e debían someterse ás normas de publicidade da Circular do Banco de España de agosto de 1990. Estas normas esixen a autorización previa do Banco de España, e, sen embargo, neste caso non a tiñan. Ademais, as características da oferta financeira non se presentaban claramente, e incluía unha cláusula final que advertía que os tipos de xuro ou rendementos efectivos podían ser alterados.

Para o devandito xulgado, e de acordo ó artigo 3 da Lei Xeral de Publicidade, esta circular é enganosa, xa que pode inducir en erro ó non presenta-lo producto de maneira clara, con exemplo representativo, e porque a caixa se reserva a facultade de modifica-los tipos de xuro. Por iso, declárase a ilicitude da publicidade, ordénase o seu cese e condénase a caixa ás custas do xuízo.

Relacións deste contido