Profesores condenados por afogarse un alumno nunha excursión

En xuño de 1997, tres mestres dunha escola acompañaron como responsables do seu coidado a 57 alumnos da EXB a unha excursión á praia. O estado do mar non era tranquilo e algúns dos menores non sabían nadar. Aínda así, varios nenos se bañaron e, debido á falta de vixilancia dos mestres, dous deles tiveron que ser rescatados da auga e reanimados por terceiras persoas. Os docentes apareceron cando xa se estaba auxiliando ós dous nenos, e un deles faleceu por asfixia.

A Audiencia Provincial de Barcelona condenou os tres mestres, como responsables dun delicto de homicidio imprudente, ás penas dun ano de prisión e inhabilitación por igual tempo para o exercicio do dereito de sufraxio pasivo. Recorreron ó Tribunal Supremo, que confirmou o 1 de decembro do 2000 a sentencia. Explica o Supremo que a omisión de vixilancia dos tres acusados determinou o falecemento do menor, e que a pesar do mal estado do mar e de que algúns nenos non sabían nadar, os mestres limitáronse a organiza-la actividade dos estudiantes, pero non observaron se todos seguían as súas instruccións.

Relacións deste contido