Un concello indemniza a un veciño que perdeu a visión na solta de vacas

Un veciño sufriu unha ferida de hasta durante unha solta de vaquiñas organizada polo concello no municipio de Valdetorres do Jarama (Madrid) en 1991. Perdeu totalmente a visión no ollo dereito e reclamoulle ó consistorio, en vía administrativa, sete millóns de pesetas. Pero o concello non lle contestou, polo que o veciño continuou reclamando ata chegar ó Tribunal Supremo.

O Tribunal, en sentencia do 17 de outubro do 2000, valorou negativamente a pasividade do consistorio, que tampouco compareceu na sede xudicial, e condenouno a aboa-los sete millóns solicitados, actualizados co IPC mailos intereses legais, por entender acreditada a responsabilidade da administración pública.

Segundo o Supremo, se ben a lesión se produciu pola collida dunha vaquiña, foi causada dentro da "solta" organizada polo concello. Ademais, preto da praza de touros non había ambulancias para o traslado dos posibles feridos a un centro hospitalario. Polo tanto, entende que a lesión deriva dunha actividade lúdica organizada polo concello sen a adopción das medidas de seguridade que aconsellan estas festas, de acordo á Lei 10/1991 sobre Espectáculos Taurinos.

Relacións deste contido