Saltar o menú de navegación e ir ao contido

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Boletines
    •  | Baixa  | Máis opcións |
  • Portadas anteriores

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > O máis práctico > Consultorio legal

Λ

Se degoras que resolvamos tu caso en revista.consumer.es ponte en contacto con nosoutros. Como é lóxico, sólo serán publicadas as consultas que dende revista.consumer.es consideremos máis interesantes.

Cómo proceder ante un inquilino que non paga alugueiro, nin luz, nin teléfono nin auga

O pasado mes de agosto alugámoslle un piso que temos en Marbella a unha muller. Pagounos os dous primeiros meses por adiantado, pero é o único que aboou ata o momento. Nin sequera pagou a luz, o teléfono ou a auga que consume. O contrato de alugueiro formalizouse por un ano, aínda que a muller quería que fose por dous anos, e fíxose coa mediación dunha inmobiliaria. Falamos varias veces con esta muller, pero sempre vai pagar "a semana vindeira" e chegado o momento pide outro aprazamento. ¿Que podemos facer?

Á hora de arrendar unha vivenda débese ter en conta que, conforme á Lei de Arrendamentos Urbanos de 1994, os contratos que se formalicen a partir desta data terán un prazo mínimo de cinco anos. Se, coma neste caso, o prazo acordado foi dun ano, o pacto é válido, pero o inquilino ten dereito a continuar na vivenda, prorrogando o contrato ata outros catro anos máis. É esta unha facultade que a lei lle outorga ó inquilino e que é obrigatoria para o propietario. En casos de impagamento de rendas e doutras cantidades como luz, auga e teléfono, o primeiro paso é requirirlle o pagamento ó inquilino, indicando o importe adebedado por tódolos conceptos. Este requirimento débese facer por escrito, deixando suficiente constancia: vía notarial ou por telegrama con xustificante de recepción. Se o inquilino persiste no impagamento, podemos acudir á vía xudicial.

Chegados a este punto, presentaremos unha demanda de desafiuzamento para recupera-la vivenda e instar ó abandono do inquilino. Todo isto, pola vía do xuízo verbal conforme á nova Lei de Axuizamento Civil 1/2000. Se se presenta a demanda unha vez transcorridos catro meses desde o requirimento demostrable, o inquilino xa non poderá pagar para evita-lo desafiuzamento. Pero se a demanda se interpón antes dos catro meses, o inquilino poderá eludi-lo desafiuzamento pagándolle ó arrendador todo o adebedado nese momento ou depositando a cantidade debida no xulgado ou nunha notaría.

Agora ben, se o que se pretende é soamente cobra-las cantidades adebedadas, presentarase demanda de reclamación de cantidades sen desafiuzamento. Neste caso, será un xuízo ordinario da nova Lei de Axuizamento Civil se a cantidade reclamada supera as 500.000 pesetas, e por xuízo verbal se é inferior ás 500.000 pesetas. Se a cantidade é inferior ás 150.000 pesetas, poderá acudir a xuízo sen avogado e procurador, se así se desexa. A reclamación de cantidades convirá ou non dependendo da solvencia do inquilino e das posibilidades de embargar diñeiro ou outros bens ó seu nome. En definitiva, os pasos que hai que seguir pasan polo requirimento fidedigno de pagamento e a vía xudicial.


Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto