Indemnización por unha infección no quirófano

 Unha paciente sufriu unha infección polo virus estafilococo aureus durante unha intervención cirúrxica. A causa da infección, estivo incapacitada 189 días e quedáronlle como secuelas dúas cicatrices no pescozo. O Tribunal Supremo dispuxo que a paciente fora indemnizada con dous millóns de pesetas máis intereses, atendendo ó tempo de incapacidade e ás secuelas. O Supremo entende na súa resolución que aínda que en ocasións o risco e o dano son consecuencias inevitables da actividade curativa, polo que o risco debe ser soportado polo paciente sempre que fora informado da súa existencia, neste caso demostrouse que o servicio de saúde non adoptou as medidas preventivas correspondentes (como un tratamento preventivo de antibióticos). Segundo recolle o fallo de 13 de xullo de 2000, non quedou acreditado que o dano sufrido pola paciente fose consecuencia inevitable da operación, polo que non existe no paciente o deber de soportalo. Así, en virtude da declarada responsabilidade do Servicio Andaluz de Saúde, condenóuselle a paga-la indemnización solicitada.

Relacións deste contido