A falta de cobertura permite rescindi-lo contrato e cobra-lo importe non usado da tarxeta do móbil

Un usuario adquiriu un teléfono móbil e contratou os servicios da operadora Amena, aproveitando unha promoción consistente en 20.000 pesetas en chamadas e o compromiso de que en breve gozaría de cobertura nacional propia; mentres tanto, os clientes poderían utiliza-lo servicio con outros operadores sen custo adicional. Os primeiros meses o servicio funcionou correctamente, pero Amena non puido prepara-la súa rede no prazo prometido, polo que desde a localidade do usuario non foi posible recibir nin realizar chamadas a partir dese momento a través de Amena. Ó considerar que se producir un incumprimento contractual, o usuario solicitoulle ó Xulgado de Primeira Instancia de Barcelona a resolución do contrato, máis perdas e danos. A sentencia, emitida por este xulgado o 20 de xullo de 2000, estimou probados os problemas de cobertura, o que acreditaba o incumprimento contractual, polo que se resolveu rescindi-lo contrato sen custo ningún. Ademais, estimouse que Amena debía aboa-las 9.591 pesetas que non puideran ser utilizadas por falta de cobertura, máis o importe acreditado pola compra dunha tarxeta Movistar Activa. Desestimouse engadir ningunha cantidade máis por danos morais, xa que non foron minimamente probados.

Relacións deste contido