A imprudencia do conductor do kart foi a única acción punitiva

Un usuario sufriu lesións mentres circulaba por unha pista de karts, cando o mini coche que o precedía, conducido por un amigo, virou, comezou a circular en sentido contrario e bateu contra o seu coche. O Xulgado de Primeira Instancia condenou ó conductor do kart que realizou a manobra perigosa, ó propietario da pista (por non actuaren os seus empregados coa dilixencia debida) e á súa compañía de seguros, pero a sentencia foi apelada polo dono da instalación e pola aseguradora. A Audiencia Provincial de Almería, en sentencia do 2 de maio do 2000, estimou que foi o amigo quen causou os danos coa súa rápida manobra, e que os empregados do circuíto non puideron evita-la colisión ante esa acción repentina, polo que absolveu ó propietario da pista e á súa compañía de seguros. Engade a sentencia que, aínda que os empregados non acudisen a socorrer ó lesionado, como afirma a Audiencia, esta conducta non era a examinada no preito.

Relacións deste contido