Reintegro dos gastos médicos dunha clínica privada estranxeira

Un pensionista da Seguridade Social sufriu un infarto de miocardio en Venezuela e tivo que ser ingresado nun centro médico de Caracas. Os gastos da clínica privada ascenderon a 2.269.000 pesetas, importe que o pensionista reclamou á Seguridade Social, alegando urxencia vital. Sen embargo, o reintegro dos gastos foille denegado, aducindo que non existía convenio en materia de asistencia sanitaria con Venezuela. Presentado o caso ante o Tribunal Supremo, este, en sentencia do 4 de abril do 2000, di que o realmente importante non é a existencia ou non de convenio sanitario con Venezuela (ou con calquera outro país), senón se había ou non unha auténtica urxencia vital.

Nos casos de urxencia vital é indiferente que a asistencia se precisara ou producira en España ou no estranxeiro. Di o Supremo que cando se trata de supostos que esixen unha atención inmediata por existir perigo para a vida ou a integridade física, garánteselle-la asistencia sanitaria a tódolos afiliados á seguridade social, independentemente do lugar no que estean, e condena a Generalitat Valenciana (Consellería de Sanidade e Consumo) ó aboamento da cantidade solicitada.

Relacións deste contido