Un ancián caeu polas escaleiras dun banco e tres meses despois faleceu

Un señor de 79 anos caeu por unhas escaleiras exteriores sen varanda dunha sucursal bancaria. Sufriu unha fractura de fémur que tres meses máis tarde lle provocou a morte. As súas fillas demandaron o banco e reclamaron cinco millóns de pesetas cada unha polo dano moral causado polo falecemento do seu pai Consideraban evidente a neglixencia do banco ó non instalar unha varanda nas escaleiras, xa que a súa función consiste precisamente en axudar como apoio as persoas e afirmaban que, de habela, polo menos as consecuencias da caída serían menores.

Pero o Tribunal Supremo, en sentencia do 28 de marzo de 2000, desestimou as pretensións de indemnización das fillas, debido a que non é posible establecer unha relación de causa-efecto entre a morte e a conducta do banco. Non considera neglixencia a non colocación de varanda (a pesar de que o banco a instalou despois dos feitos), afirma que nunca se producira ningún outro evento daniño nas escaleiras e que era posible atribuí-la caída ás limitadas facultades psicofísicas do falecido. Conforme ó razoado, estima que non houbo neglixencia no banco, polo que desestima o recurso presentado polas fillas do falecido e as condena a aboa-las custas do xuízo.

Relacións deste contido