Telefónica cobrou días festivos como laborables

Telefónica presentou un recurso para anular un laudo arbitral do Concello de Burgos, por consideralo contrario á orde pública. Tratábase da reclamación dunha usuaria polo importe dunhas chamadas efectuadas os días 6 de xaneiro e 19 de marzo de 1999, ás que se aplicaron as tarifas de días laborables, cando a usuaria do servicio cría que se trataba de días festivos. E a consumidora estaba no certo. Por resolución da Dirección Xeral de Traballo, eses días si foron festivos en Castela e León. Di a Audiencia Provincial de Burgos, en sentencia do 5 de xaneiro de 2000, que non é obriga do usuario informarse, como aducía Telefónica, se en determinados días rexe a tarifa de festivos ou non.

Segundo esta compañía, a súa responsabilidade xorde se facilitan unha resposta errada. Pero a Audiencia afirma que non era preciso que a consumidora solicitara información a través da Liña de Atención Persoal 1004 sobre se os citados días eran festivos ou non, xa que puido razoablemente pensar que Telefónica mantiña as tarifas propias deses días (festivos) para esas datas. Polo anterior, imponse a Telefónica as custas do recurso porque, dada a escasa contía económica da reclamación, 736 pesetas, unha conducta máis moderada e prudente aconsellaría conformarse coa resolución arbitral e, desde logo, non presentar como de orde pública unha reclamación de tan ínfima contía.

Relacións deste contido