Saltar o menú de navegación e ir ao contido

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Boletines
    •  | Baixa  | Máis opcións |
  • Portadas anteriores

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > O máis práctico > Consultorio legal

Λ

Se degoras que resolvamos tu caso en revista.consumer.es ponte en contacto con nosoutros. Como é lóxico, sólo serán publicadas as consultas que dende revista.consumer.es consideremos máis interesantes.

As tarimas do piso novo abríronse cando se acendeu a calefacción

O pasado verán merquei un piso que non me deu ningún problema ata que comezou o mal tempo, por setembro. Ó acende-la calefacción e habitalo comezaron a abrirse diversas táboas da tarima do chan de case tódalas habitacións. Trátase de fendas de varios milímetros e máis dun metro de lonxitude, nada normal nun piso novo. Reclamei os defectos á constructora e, moi atentamente, viñeron a velo hai meses. A súa resposta foi que esperaramos ó verán, pois xeralmente as fendas péchanse despois dun tempo. Pero non foi así, senón máis ben o contrario. O motivo da miña preocupación e consulta é o seguinte: ¿Existe algún prazo para reclamar este defecto na tarima? ¿Teño dereito a reclamar á constructora este defecto, xurdido ó mes de escriturar e habita-la vivenda? ¿Deben volver verniza-lo chan?

É importante deixar constancia escrita da reclamación, enviando ó promotor unha carta certificada ou telegrama con xustificante de recepción. Nela lembraráselle que, transcorrido o prazo pactado, as fendas da tarima non só persisten, senón que foron a máis, facendo practicamente inhabitable a vivenda, polo que se espera que, á maior brevidade, pasen a comprobar e repara-los danos. Respecto a se se debe ou non vernizar,o vendedor deixará en perfectas condicións a tarima e se para iso fose necesario volver vernizar, debe esixirse. Outra opción é que un terceiro realice as reparacións e pase a factura ó vendedor (mellor previo acordo).

Con referencia ó prazo para demandar, dependerá da entidade dos defectos. Xenericamente, os defectos de pequena entidade sométense ó réxime de vicios ocultos do Código Civil, cun prazo para reclamar de seis meses, prazo xa caduco e inexecutable. Non obstante, pódese facer vale-lo acordo verbal entre ámbalas partes e aplica-la doutrina dos actos propios. É dicir, o vendedor-promotor da vivenda xa se comprometeu a repara-lo dano se unha vez transcorrido o prazo pactado os danos persistisen. Desde unha perspectiva xudicial, o maior escollo sería a proba do acordo verbal e dos seus termos.

Outras opcións: presenta-la reclamación pola vía da responsabilidade contractual do vendedor, baseándose no artigo 1591 do Código Civil. Para iso, o comprador dispón dun prazo de prescrición de quince anos. E o artigo 1591 do Código Civil outórgalle unha garantía de dez anos por defectos ruinosos. Para a xurisprudencia, o concepto de ruína é amplo, alcanza a unha ruína funcional de elementos da construcción que, excedendo de imperfeccións correntes, non necesariamente afecta á seguridade e estabilidade da vivenda. Así, o Tribunal Supremo inclúe neste concepto defectos que implican unha violación do contrato ou inciden na habitabilidade do edificio, como desprendemento de falsos teitos, humidade, filtracións ou canalizacións rotas, que repercuten na habitabilidade. O mesmo sucede coas tarimas abertas. Neste caso, por razóns de temporalidade, non é aplicable o réxime de responsabilidades da Lei de Ordenación da Edificación.


Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto