Perdeu o ollo nunha operación de cataratas debido á escaseza de medios

Unha muller someteuse a unha operación ocular relativamente sinxela, consistente na extirpación cirúrxica do cristalino para sandar unha afección de cataratas. Como consecuencia da operación, perdeu o ollo esquerdo, sen que o centro médico lle dese explicacións coherentes sobre o acontecido. Así describe os feitos o Tribunal Supremo, en sentencia de 9 de decembro de 1999, pola que condena o Servicio Andaluz de Saúde a indemnizar á paciente con once millóns e medio de pesetas. No referente á argumentación xurídica, di o alto Tribunal que a natureza da obriga médica é de actividade ou de medios, non de resultado (ter éxito na operación). Tamén asegura que non se confirma unha relación de causalidade entre a actuación médica e o dano, polo que absolve os médicos que a atenderon. Pero non o Servicio Andaluz de Saúde, ó que condena polo desproporcionado do resultado, de tal xeito que aínda que non conste a neglixencia dos médicos, si revela a penuria dos medios empregados polos facultativos.

Relacións deste contido