A falta de previsión dun risco, motivo de demanda

Varios espectadores sufriron danos ó se empoleiraren a un muro divisorio dun recinto deportivo, polo que demandaron os propietarios das instalacións deportivas e os organizadores do evento deportivo. Como era costume sabido que os espectadores subisen ó muro protector que separa as bancadas do foxo, as víctimas sostiñan que o accidente se debeu á falta de vixilancia axeitada para evita-lo risco. O Tribunal Supremo, en sentencia do 19 de novembro de 1999, aínda que recoñecendo a temeridade dos espectadores, aprecia que concorría culpa nos organizadores e os propietarios, en atención á Lei do Deporte. Segundo esta lei, os organizadores e propietarios das instalacións deportivas son responsables dos danos ou desordes que poidan producirse nos recintos onde se desenvolven competicións. Asemade, comprobouse que a entidade deportiva non adoptou ningunha medida para evita-lo risco previsible que supuña que os mozos se empolicasen no muro divisorio. Por todo o anterior, aprecia a existencia dunha concorrencia de culpa tanto en demandados coma en demandantes e determina, en atención á idade das víctimas, ás secuelas que sufriron e ó dano moral que supuxo o accidente, unha indemnización de catro millóns de pesetas para o conxunto das víctimas.

Relacións deste contido