Indemnizada tras caer polo burato do ascensor

No momento en que unha menor ía saír dun ascensor, este comezou a subir e fíxoo coa porta aberta, enganchándoa por un pé, o que a levou a caer polo burato do ascensor. O Tribunal Supremo, en sentencia do 22 de decembro de 1999, considera responsable á empresa constructora e instaladora do ascensor, baseándose no artigo 1902 do Código Civil e entendendo que tal entidade debía empregar tódalas prevencións e coidados na construcción e instalación para impedir este feito. O Supremo, polo tanto, confirma a condena xa imposta polo xuíz e indemniza a demandante con 45 millóns de pesetas. Para o Tribunal Supremo, a mecánica do accidente, na que a menor se converteu nun obxecto a mercé da máquina, revelaba a defectuosa fabricación do ascensor e, sobre todo, da súa instalación. Non funcionaron correctamente os mecanismos de peche e de seguridade, xa que o ascensor nunca se debeu poñer en marcha coa porta aberta.

Relacións deste contido