Bateu contra outra esquiadora para evitar colidir cuns nenos

Un esquiador que descendía por unha pista vermella (para esquiadores de certa experiencia) realizou un xiro coa fin de evitar colidir cuns nenos e bateu con outra esquiadora que descendía diante del. A víctima demandou o esquiador polos danos físicos sufridos, que a obrigaron a permanecer varios meses de baixa. A Audiencia Provincial de Lleida, en sentencia do 4 de novembro de 1999, considera conveniente indemniza-la reclamante e fixa a cantidade de seis mil cincocentas pesetas por día de baixa (en total 877.500 pesetas). A Audiencia fundamenta a súa decisión neste argumento: malia a que o esquí é un deporte de risco e a que a súa práctica supón a aceptación dese risco, o demandado non actuou coa atención precisa para evita-lo choque, pois o feito de que a causa fose evitar bater cuns nenos non o liberaba de emprega-la dilixencia precisa para non colidir con outros usuarios da pista. Di a Audiencia de Lleida que aínda que quen practica o esquí asume voluntariamente os riscos implícitos, isto non supón que se poida practicar este deporte de calquera xeito e esquecéndose da dilixencia esixible.

Relacións deste contido