Nabigatze-menua pasa eta edukietara joan

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Elikadura

^

URRE ZURIA, DIETA OSASUNGARRIA

DIETARI LOTUTAKO MODEK ETA GEZURREZKO MITOEK URRITU EGIN DUTE ESNEAREN KONTSUMOA AZKEN BI HAMARKADETAN. BAINA NUTRIZIO BALIO HANDIKOA DA, ETA ORAIN ERE ELIKAGAI GOMENDATUA IZATEN JARRAITZEN DU EDOZEIN DIETA OREKATUTAN. HEMEN ESANGO DIZUGU ZERGATIK DEN ONA; IKUS EZAZU ZER GORDETZEN DUEN BARRENEAN.

Esne berezien egokitasuna

 

Betiko esneen ondoan, jatorria edozein dutela ere, beste mota batzuetakoak ere sortu dira, beharrizan jakinak dituzten kontsumitzaileei erantzuteko. Digestio Patologien Espainiako Elkarteak eta Mediku Orokorren eta Familiakoen Espainiako Elkarteak emandako datuen arabera, laktosarekiko intolerantziak erasaten dituen herritarrak %30 eta %50 artean dira, eta, horregatik, laktosarik gabeko esnea ari da ugaritzen gehien. Oroitarazi beharra dago laktosarekiko intolerantzia ez dela alergia izatearen parekoa: intolerantzia dagoenean, urdail-hesteetako sintomak agertzen dira, eta gehienean arinak eta iragankorrak izaten dira; alergia dagoenean, aldiz, esnea hartzeak sintoma larriak agerraraziko ditu, eta gerta daiteke bizitza bera arriskuan jartzea.

Bai esne aberastuak eta bai laktosarik gabeak ere, ohiko esnea baino garestiagoak izaten dira: kaltzioa erantsita dutenek, batez beste, 1,03 euro balio dute; laktosarik gabeek 1,1 euro; eta ohikoek 0,78. Carlos Casabona pediatraren iritziz, esne horiek amu gisa darabilte ezaugarri horiek, jendearen arreta erakartzeko. Berdin gertatzen da urtebetetik gorako haurrentzat saltzen dituzten esne berezi batzuekin ere, "hazkunde garaikoak" esaten dietenekin, hain zuzen: "Ez dira beharrezkoak, garestiak dira eta gehiegizko pisua eragin dezakete, horietako askok azukreak izaten dituztelako erantsita -horrek igo egiten ditu kaloriak- edo irinak bestela. Ez dira esneak bakarrik, esnea eta gauza gehiago baizik", nabarmendu du espezialistak.

MANTENUGAI UGARI

Profil energetikoa aski antzekoa dute guk aztertu ditugun erreferentzia guztiek. UHT esne normala eta laktosarik gabea 110 eta 118 kaloria artean dabiltza errazio bakoitzeko, eta kaltzioz aberastuak, berriz, 123 eta 133 artean. Aberasteko prozesuan erabiltzen den esne proteinak eragiten du alde hori, zeinak igo egiten duen esnearen energia eta proteina maila: aberastuek, batez beste, 10,2 g proteina daukate errazio bakoitzeko (Eguneko Kopuru Gomendatuaren %20,4 da hori), eta gainerakoek 7,8 g. Nolanahi ere, eta kontuan hartuta eguneko gomendioa 2.000 kaloriakoa dela, ez da kontsumo bereziki aipagarria.

Arrazoi beragatik, karbohidrato kopurua ere handiagoa da kaltzioz aberastuta daudenetan: batez beste, 13,6 g dituzte, eta gainerakoek 11,9 g. Aldeak ez dira adierazgarriak, eta, gainera, elikagaiaren berezko azukreak dira; ondorioz, ez dute azukre erantsiek bezalako eragin kaltegarririk. Gantzei dagokienez, erreferentzia guztiak 3,8 eta 4 gramo artean dabiltza errazio bakoitzeko, eta horietatik, saturatuak dira 2,5 eta 2,8 artean. Berriz ere, eta azukreekin gertatzen den bezala, esnekien gantz azido saturatuen eragina ez da beste zenbait elikagai osasungaitzena bezain kaltegarria, adibidez hestebeteena eta haragi prozesatuena.

Esnekiek, izan ere, mantenugai onuragarriak ere izaten dituzte, adibidez mineralak, bitaminak eta proteinak, eta horiek orekatu egiten dute gantz saturatuen eragina, lagundu egiten baitute modu egokian elikatzen eta, segur aski, bihotz-hodietako gaixotasunen arriskua murrizten, halaxe dio Nutrizio, Elikadura eta Dietetika Elkarteen Espainiako Federazioak (FESNAD) egindako ikerlan batek (Espainiako herritar helduen elikadurako gantzen eta olioen inguruko adostasun dokumentua izena du).

Ezinbestekoa dieta orekatua egiteko

Kaltzioa eta beste mantenugai batzuk kopuru aipagarrietan ematen dituelako, aski elikagai egokia da adin guztietan hartzeko, dieta osasungarri eta orekatu baten zati gisa. Dena den, ez da komeni esne gehiegi hartzeagatik bazterrean uztea landare jatorriko beste elikagai gutxi prozesatu batzuk, adibidez fruta freskoak, barazkiak, fruitu lehorrak eta lekaleak, horiek egon behar baitute gure elikatzeko ohituren oinarrian. "Alde txarra izaten da burdina gutxi daukala, eta, gehiegi hartuz gero, mugatu egiten duela mineral hori beste elikagai batzuetatik xurgatzeko gaitasuna, kaseina kontzentrazio handia izaten duelako eta kaltzioa eta fosfatoak dauzkalako", adierazi du Casabonak. Nutrizioaren ikuspegitik, orrialde hauetan aztertu ditugun esne erdigaingabetu normal guztiek eta laktosarik gabekoek antzeko kopuruetan ematen dituzte mantenugaiak, eta kaltzioz aberastuta daudenek, berriz, kopuru handiagoetan ematen dituzte karbohidratoak eta proteinak (6,7 gramo, eta gainerakoek 5), aberaste prozesuaren eraginez. Prezioa, dena den, garestiagoa izaten dute: 0,26 euro kostatzen da errazio bakoitza, gainerakoena baino lau zentimo gehiago. Azken aukera kontsumitzailearen esku dagoen arren, komeni da jakitea kaltzio gehigarri hori beste elikagai batzuetatik ere har dezakegula, adibidez arraina, berdurak eta fruitu lehorrak janda.

Orrialde-zenbaketa



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto