Nabigatze-menua pasa eta edukietara joan

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Gaurkotasuna eta aisia > Azaleko gaia

^

Inkesta egin diegu 800 herritarri baino gehiagori (etxeko erosketaz arduratzen direnak eta esnekiak kontsumitzen dituztenak), jakiteko zer-nolako ohiturak dituzten elikagai mota horren inguruan eta ezagutzen ote dituzten ontzian daramatzaten kalitate eta berme zigiluak: Esnekiak: jendeak hartzen ditu, baina ez daki zer-nolako balioak dituzten

Inkestari erantzun dioten herritarren %91k adierazi dute beren familiako kide guztiek hartzen dutela esnea edo esnekiren bat, baina %65ek ez dakite zer den esnekiek daramaten PLS zigilua, zeinak ziurtatu egiten duen bere nutrizio balio handia, jatorriaren identifikazioa eta balio kate guztiaren iraunkortasuna

 

Dieta osasungarri eta orekatua ez daiteke ulertu esnerik eta esnekirik gabe, adibidez jogurta edo gazta kenduta. Elikadura eta Nekazaritzarako Nazio Batuen Erakundeak adierazten du (FAO) elikagaien bidez energia, proteinak eta gantzak hartzeko iturri garrantzitsua direla. Zehazki, azaltzen du esneak lagundu egiten duela gorputzak beharrezko dituen hainbat mantenugai har ditzan: kaltzioa, magnesioa, selenioa, erriboflabina (B2 bitamina), B12 bitamina eta azido pantotenikoa (B5 bitamina).

Nahiz eta onuragarria izan, Espainian apaldu egin da esne kontsumoa azken urteetan, datu hori eman du Esnearen Lanbidearteko Erakundeak (INLAC). 2016. urtean, adibidez, 3.198 milioi litro esne kontsumitu ziren, aurreko urtean baino %2,2 gutxiago. Esnekien kontsumoak, berriz, egonkor iraun du, 1.597 milioi kilorekin.

Horrekin batean, Espainiako Nekazaritza, Arrantza, Elikadura eta Ingurumen Ministerioaren arabera (MAPAMA), zenbait faktore makroekonomikok krisia eragin zuten 2015ean Europako esne sektorean, eta kide diren estatu gehienei eragin zien, eta baita Espainiako Estatuko abeltzainei ere: "Bereziki, zuzenean pairatzen dutenei gehiegizko eskaintzak eragindako erregulazioa, zeinak ekarri baitu ekoizpen kostuen azpitik ordaintzea esnea". Hori dela eta, esne sektorearen balio katean parte hartzen duten eragileek konpromisoa hartu dute Espainiako esne sektorearen alde lan egiteko eta funtzionamendu eraginkorra eta iraunkorra lortzeko esnearen eta esnekien balio kateetan.

Testuinguru horretan, EROSKI CONSUMERek jakin nahi izan du kontsumitzaileek zer-nolako ohiturak dituzten esnekiak hartzeko eta zein neurritan ezagutzen dituzten horiek daramatzaten kalitate eta berme zigiluak. Horretarako, joan den urteko azaroan inkesta egin zien 805 laguni, guztiak ere etxeko erosketen arduradunak eta esneki kontsumitzaileak.

Lagina

Inkestari erantzun dioten guztiek ezaugarri berbera dute elkarrekin: haiek arduratzen dira etxeko erosketak egiteaz, eta esnea edo esnekiak hartzen dituzte maiz-maiz, adibidez gazta, jogurtak edo antzekoak (natillak, esnezko edariak, gurina, esne gaina...).

Guztiak dira adin nagusikoak: 41 eta 55 urte artean dabiltza %44, eta 56 eta 70 urte artean %33. Hirutik bi emakumeak dira eta %59k unibertsitate ikasketan dituzte eta %23k baita graduondokoak eta doktoretza ikasketak ere. Beste %21ek lanbide heziketa ikasi dute eta gainerakoek bigarren hezkuntza edo batxilergoa.

Jatorriari dagokionez, Euskal Autonomia Erkidegoan bizi dira %18, Madrilgo Erkidegoan beste %18, Katalunian %13, Andaluzian %9 eta Valentziako Erkidegoan %8. Gainerakoak beste autonomia erkidegoetakoak dira (%5etik beherako proportzioan).

Orrialde-zenbaketa



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto