Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Gaurkotasuna eta aisia > Azaleko gaia

Λ

Informazio honetan agertzen diren datuak, informazioak, interpretazioak eta kalifikazioak burutu ziren momentuari soilik dagozkio eta, beraz, iraupen mugatua dute.

Aztertu egin dugu Elikagaien Etiketaren inguruko Europako Araudiak zer-nolako berrikuntzak ezarri dizkion nutrizio arloko informazioari: Nahitaez bete beharreko informazio nutrizionala

Abenduaren 13tik aurrera, nutrizio balioaren inguruko informazioa eman beharko dute elikadura produktuen etiketek

 

Espainiako erosleen %67k baino gehiagok esaten dute irakurri egiten dituztela erosten dituzten elikagaien etiketak, datu hori eman du Shopper View erakundearen AECOC Barometroak; ekoizleen eta banatzaileen elkartea da horrako hori, eta Espainiako Estatuko kontsumitzaileen erosketa ohiturak aztertu zituen 2015. urtean. Arreta gehien eskaintzen zaion alderdietako bat nutrizio arloko informazioa izaten da. 2013. urtean, EROSKI CONSUMERek ere egin zuen horren inguruko azterketa bat: adinez nagusi ziren mila pertsonari galdetu zien erosketa ohituren inguruan, eta ondorioetan egiaztatu zuenez, etiketari arreta jartzen zioten herritarren %81ek beti irakurtzen zuten nutrizio arloko informazioa.

Datu horiek argi azaltzen dute kontsumitzaileek jakin egin nahi dutela zer-nolako nutrizio balioa duten etxera eramaten dituzten elikagaiek. Bada, urte honetako abenduaren 13tik aurrera, Elikagaien Etiketari buruzko Europako Araudiak (UE 1169/2011 Araudia da) behartu egingo du informazio hori elikadurako produktuen etiketan jartzera, nahiz eta ekoizle batzuek lehendik ere egiten duten, beren borondatez.

EROSKI CONSUMERek sakon aztertu du araudia, eta gida bat prestatu du kontsumitzaileentzat, guztiek jakin dezaten urteko azken hilabetetik aurrera zer aurkitu duten elikadurako produktuen etiketetan nutrizio arloko informazioa irakurtzen dutenean. Horretarako, zenbait iturri erabili ditu: Kontsumoaren, Elikadura arloko Segurtasunaren eta Nutrizioaren Espainiako Agentzia (AECOSAN), Elikagai eta Edari Industrien Espainiako Federazioa (FIAB), Nekazaritzako Elikagaien Segurtasunerako Euskal Fundazioa (Elika) eta Kontsumitzaileen eta Erabiltzaileen Konfederazioa (CECU).

Salbuespenak

 

Elikagaiek nutrizio arloko informazioa eman behar dute etiketan, baita elikadura bereziaren sailean sartzen direnek ere.

Salbuespenetan, ur mineralak eta elikadura arloko gehigarriak ageri dira, horiek berezko araudia dutelako, baita alkohol gradua %1,2tik gorakoa duten edariak ere. Nutrizio arloko informaziorik eman beharko ez duten beste elikagai batzuk ere badaude:

  • Eraldatu gabe dauden produktuak, osagai bakarra dutenak.
  • Produktu eraldatuak, onduz bakarrik eraldatu dituztenak eta osagai bakarra daramatenak.
  • Gizakiok edateko urak, baita anhidrido karbonikoa edo lurrinak dituena ere.
  • Lurrin landare bat, espezia bat edo horien nahastura.
  • Gatza eta gatzaren ordezkoak.
  • Mahaiko eztitzaileak.
  • Kafe eta txikoria estraktuak, kafe ale osoak edo ehoak, eta kafe ale kafeinagabeak, osoak edo ehoak.
  • Belar eta fruta infusioak, tea, te kafeinagabea, berehalako tea edo te disolbagarria, te estraktua, te estraktu kafeinagabea, baldin eta osagai erantsiak lurrinak baino ez badira, tearen nutrizio balioa aldatzen ez dutenak.
  • Ozpin hartzituak eta horien ordezkoak, baita osagai erantsi bakarrak lurrinak dituztenak ere.
  • Lurrinak. Gehigarriak. Elikadura arloko entzimak. Lagungarri teknologikoak.
  • Gelatinak.
  • Marmeladak loditzeko konposatuak.
  • Legamia.
  • Murtxikatzeko gomak.
  • Gainazalik handiena 25 cm-tik beherakoa duten ontzietan datozen elikagaiak.
  • Ekoizleak zuzenean kontsumitzaileari edo txikizkako saltokiari ematen dizkion elikagaiak.

Bestalde, alkohola duten edariek eta ontziratuta ez dauden elikagaiek ez dute eman beharrik izango nutrizio arloko informazioa. Lehenbizikoek aski izango dute energia balioa adierazita, baina nahi izanez gero, nutrizio arloko informazioa osorik ere eman dezakete ekoizleek. Bigarrenak ere energia baliora mugatu daitezke edo, nahi izanez gero, energia balioarekin batera, beste datu hauen kopuruak ere eman ditzakete: gantzak, gantz azido saturatuak, azukreak eta gatza.

Orrialde-zenbaketa



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto