Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Elkarrizketa

Λ

Pierre-Dimitri Gore-Coty, Uber-ek Europa mendebaldean duen zuzendari nagusia: "Konkurrentzia ona da kontsumitzaileentzat, baina deserosoa ohiko taxiarentzat, urteetan ez baita aldatu"

 

Uber Espainiako Estatura iritsi da, eztabaida frankorekin egin ere. Izan ere, formaturik arazotsuenarekin aurkeztu da: UberPOP. Aplikazio bat da, eta gidari ez-profesionalek kobratu egiten diete plataformaren erabiltzaileei autoan joateagatik. Jarduera hori ez dago legez arautua, eta eztabaida eragin du taxilariekin, aplikazioa konkurrentzia bidegabea iruditzen baitzaie. Pierre-Dimitri Gore-Coty da Uber-ek Europa mendebaldean duen arduraduna, eta hark zerbitzuaren alde egiten du: irtenbide berritzailea dela uste du, erabakitzeko gaitasuna kontsumitzaileei itzultzen diena.

Uber aplikazio erabilgarri gisa aurkeztu da kontsumitzailearentzat. Zergatik sortu du halako haserrea?

Irtenbide berritzaile bati heldu diogu sektore zaharkitu bat iraultzeko, urteetan mugitu gabe egon dena. Kontsumitzaileei itzuli diegu erabakimena, eta aukera gehiago eta segurtasun eta fidagarritasun handiagoak eskaini dizkiegu lankidetzarako ekonomiaren zati gisa.

Hainbeste abantaila al ditu?

Gure produktua garraioa partekatzean oinarritzen da, eta aukera segurua, fidagarria eta eskuragarria eskaintzen du hirian mugitzeko garaian. Mugikortasunaren arloan izan den iraultza zabalago baten zati da UberPOP. Ikusten dugu etorkizunean auto gutxiago izango direla jabetzan eta autoa partekatzeko formula gehiago.

Zenbaitek dio ez dela sistema segurua.

Segurtasunari dagokionez, Uber eredugarria da kontsumitzaileentzat, hain zuzen aplikazioaren berrikuntza teknologikoari esker, zeina diseinatua baitago nabarmen hobetzeko fidagarritasuna eta bidaiarien bidaiak. Kalitate gehieneko gidariekin bakarrik lan egiten dugu. Gutxieneko estandar batzuk dauzkagu auto motarentzat eta eskaintzen den zerbitzuarentzat, eta zorrotz eta sakon aztertzen ditugu gidari bakoitzaren aurrekariak.

Adibidez?

Bidaia bakoitza amaitzen denean, bidaiariak nota bat jar diezaioke gidariari, eta horrek esan nahi du estandarrik onenak bermatu ditzakegula Uber-en aplikazioaren bidez egiten diren bidaia guztientzat. Gainera, gidari bakoitzak, auto bakoitzak eta bidaia bakoitzak bere asegurua izaten du. Gidariek ez daramate esku-dirurik, eta ordainketa guztiak elektronikoak izaten dira; hortaz, erregistratuak eta gardenak izaten dira.

Ez dirudi erraza denik 40 herrialdetan eta 140 hiritan egotea.

Irtenbidea emateko sortu zen Uber, gai baita bidaia fidagarri bat eskaintzeko edozein unetan eta edozein lekutan. Bidaiariek izugarri maite dute nahi dutenean ibilbide bat eskatzeko segutasun, erraztasun eta abantaila hori. Gure helburua da "iristeko falta den denbora" ahalik eta laburrena izatea eta bidaiariak seguru eta eroso eramatea leku batetik bestera. Garrantzitsua da nabarmentzea Uber-ek ez dituela kontratatzen gidariak, Uber-ek teknologia eta aplikazioa eskaintzen ditu, gidari independenteak konektatu eta beren hirian bidaiariak aurki ditzaten. Hortaz, noiznahi konektatu eta deskonektatu daitezke, eta horrek malgutasun sinestezina ematen die beren bizitzetan.

Ezkutuko ekonomia sustatzen duzuela leporatzen dizuete, iruzur egiten duzuela eta legez kanpo zabiltzatela. Iruditzen zaizu lizentziak izango bazenituzte taxilariek hobeki onartuko luketela sistema?

Lehen esan dudan bezala, Uber-ek ez du gidaririk kontratatzen; teknologia enpresa bat gara, eta gure zerbitzuak eskaintzen dizkiogu leku batetik bestera gehien komeni zaion moduan joateko bidaia bat partekatu nahi duen jendeari. Konkurrentzia ona da kontsumitzailearentzat, baina deserosoa ohiko taxiarentzat, urteetan ez baita aldatu. Konkurrentziak aukera gehiago eskaintzen dizkie bezeroei, hobetu egiten du zerbitzua eta berrikuntza sustatu.

Berrikuntza bai, baina taxilariek ere lan egiteko beharra dute.

Taxilarien protestek erakusten dute aukerak kendu eta konkurrentzia mugatu besterik ez dutela nahi. Merkatu osasuntsu eta lehiakor batean, kontsumitzailea da egiazko irabazlea. Erabat berritzaileak gara eta izugarri atsegin dugu ikustea teknologiak gauzarik sinpleenak egin ditzakeela.

Zuek teknologia berrien aldeko apustua egin duzue, gauzak bestela egitearen aldekoa. "Iraultza" baten hasiera al da? Nagusituko al da lankidetza kontsumoa?

Bila ari gara beti: nola egin gure teknologia jende gehiagok eta errazago eskura dezan. Jendeari bizimodua errazteko konpromisoa du Uber-ek, eta gure zeregina da aukera gehiago eskaintzea pertsonak hirietan prezio merkeagoetan mugitzeko moduetan. Ikusten dugu etorkizunean auto gutxiago izango direla jabetzan eta autoa partekatzeko formula gehiago erabiliko direla.

Zer-nolako irtenbidea emango zenioke taxilariekin sortu den gatazkari?

Uste dugu jokalari ugarirentzako lekua dagoela Europako garraio merkatuan. Merkatua aukeraz hornitzen ari gara, garraioak hautatzeko bitartekoak ugaritzen ari garenez gero bidaiarientzat bezala gidarientzat ere.



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto