Nabigatze-menua pasa eta edukietara joan

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Elikadura

^

Erosketa Gida: sagarrak: Sagarra: osasunaren fruta

Gala, Fuji, Goldena... ba al dakigu zer-nolako aukerak eskaintzen dituen sagar mota bakoitzak, zeinak bitamina-, mineral- eta zuntz-iturri naturalak diren?

Hainbat sagar mota

Sagar-arbola arrosazeoen familiako da (Malus generokoa). Familia horretan, 2.000 landare eta zuhaitz espezie biltzen dira, eta mundu guztian daude zabalduta. Sagarra toki batean edo bestean sortu, kolore, zapore eta testura jakinak izango ditu. Uneotan, sagar mota asko eta asko daude, baina gehien kontsumitzen direnetako batzuk soilik aipatuko ditugu:

Golden Delicious

  Ameriketako Estatu Batuetan du jatorria; espezierik ohikoenetakoa eta ezagunenetakoa da, eta munduan gehien landatzen denetan bigarrena. Urte guztian izaten da.

  • Kolorea: hori berdekara, puntutxo beltzekin.
  • Itxura: biribila eta oso erregularra
  • Zaporea: gozoa da, lurrintsua, mami hezekoa eta oso kurruskatsua.
  • Sasoia: irailetik aurrera eta urte osoan zehar hurrengo abuztuaren bukaera arte.

Red Delicious

  Ia ehun urte ditu espezie honek. 1915. urte inguruan sortu zen, Ameriketako Estatu Batuetan, mutazio bat gertatu ondoren, eta gaur egun hauxe da gehien landatzen den sagar mota eta gehien saltzen denetakoa.

  • Kolorea: gorri distiratsua.
  • Itxura: luzexka eta handia.
  • Zaporea: mami hezea, guria eta horikara dauka, eta testura, berriz, pikor erakoa. Zaporez gozoa da, usaintsua eta ahogozo atseginekoa; lurrin ukitu bat ere badu, eta irinkara bihurtzen da ongi kontserbatu ezean.
  • Sasoia: irailaren hasieratik martxoa edo apirila arte.

Fuji

  Japonian asmatu zuten. Oso ongi kontserbatzen da, eta luzaroan irauten du; hori dela eta, urte guztian aurki liteke.

  • Kolorea: horia, ukitutxo gorri eta lerro ilun batzuekin.
  • Itxura: biribila.
  • Zaporea: zertxobait garratza da, mami kurruskatsu eta hezekoa.
  • Sasoia: irailaren erditik neguaren bukaera arte.

Granny Smith

  Australian du jatorria; oso erraz bereizten da sagar mota hau, guztiz homogeneoa den bakarra da eta.

  • Kolorea: berde bizia puntutxo zuriekin.
  • Itxura: biribil-biribila.
  • Zaporea: oso testura kurruskatsua du, mami zuria, oso hezea eta zapore garratz bizia.
  • Sasoia irailaren bigarren hamabostalditik ekainera arte.

Royal Gala

  Zeelanda Berritik dator, eta asko ekoizten da.

  • Kolorea: oinarria berde-horia du, eta ildo gorri eta laranjak gainean.
  • Itxura: biribil-biribila.
  • Zaporea: mami zuria du, oso kurruskatsua, lurrintsua, hezea eta fina. Ezaugarri organoleptiko neutroak ditu, eta egokia da, beraz, zapore garratzen eta gozoen zaleak ez direnentzat.
  • Sasoia: abuztuaren lehen egunetatatik abendura arte.

Starking

  Ameriketako Estatu Batuetatik dator, eta Red Delicious espeziearen mutazio bat da. Sagar motarik ezagunenetakoa da, eta jatorrizkoaren antz handia du. Urte guztian izaten da, salbu eta bero gehien egiten duen hilabeteetan.

  • Kolorea: gorri bizia, ildo berdekarekin.
  • Itxura: biribila.
  • Zaporea: mamia zuri-horia du, zaporea gozokoa da eta oso kurruskatsua.
  • Sasoia: abuztutik neguaren bukaera arte.

Kanadako Errege-sagar Grisa

  Frantziatik dator. Espainiako Estatuan, berriz, Bierzoko errege-sagarra aipa liteke, Jatorri Izena eskuratu duena orain urte batzuk.

  • Kolorea: hori griskara.
  • Itxura: zapala eta handia.
  • Zaporea: mamia likatsua du, eta zapore gozokoa da, garratz ukitu batekin.
  • Sasoia: irailetik aurrera.

Orrialde-zenbaketa



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto