Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Gaurkotasuna eta aisia > Txostena

Λ

Pirinioen bihotzean zizelkatutako gozokia

Hasi da uda Ordesako Parke Nazionalean eta Perdido mendian. Eguna argitzearekin batera, ugatz bat ageri da Tres Sorores mendigune enblematikoaren inguruan hegan. Mila metro beherago, sarrio multzo bat ikusten da, nagiak ateratzen bezala, pinu beltzekin eta errododendrozko mantu ikusgarri batekin nahasian. Ibar hondoan, Arazas ibaiaren urek jauzi egiten dute Cola de Caballotik behera, mendizale zailduak eta txangozaleak iritsi bitartean.

  
Circo de Soaso y las Tres Sorores: Cilindro, Monte Perdido y Soum de Ramond o Pico Añisclo (de izquierda a derecha) desde la Faja de Pelay. Ruben García Blázquez

Ehun urterako bidean

Hor daude Ramond de Carbonnières frantziar botanikoak eta geologoak egin zituen espedizioak, zeinak lehenengoz zapaldu baitzuen Perdido mendiaren gailurra, 1802an; hor Lucien Briet argazkilari eta idazlearen dibulgazio-lana, eta beste pirineista batzuen ibilerak. Horiei esker, Parke Nazional izendatu zuten Ordesa, 1918an. Espainiako Estatuan izendatu zuten bigarrena izan zen, Europako Mendien ondotik, eta 15.608 hektareatara handitu zuten 1982an. Orduz geroztik, Perdido mendiak eta lau ibarrek osatzen dute: Ordesa, Pineta, Escuain eta Añisclo.

  
Últimas luces sobre la cima de Monte Perdido (3.348 metros) desde el refugio de Góriz. Ruben García Blázquez
  
Punta y paredes de Mondarruego desde Torla Ruben. García Blázquez

Mendia ezagutu eta sentitu

Huescako parkeari neurria hartzen hasteko, Torlako bistari-etxea da lekurik aproposena. Han dauden informazio-panelek, maketek eta ikus-entzunezko piezek ezin hobeki islatzen dute mendiak berekin dituen erronkak, jakinduria eta indarra. Informazio- eta erakusketa-gune iraunkor horretan biltzen dira Ordesako flora, fauna, geologia eta etnografia, eta baita duela 57 milioi urte han bizi izan zen krokodilo baten masailezurraren fosila ere.

  
El Gallinero sobre un tupido bosque mixto desde la pradera de Ordesa. García Blázquez
  
Centro de Visitantes de Torla. Panel introductorio al espacio "La vitalidad". García Blázquez
  
Pantalla de proyección y detalle del diván "Sensaciones". García Blázquez
  
Pantallas cilíndricas y escultura de cuerda. García Blázquez
  
Carteles informativos en la pradera de Ordesa. García Blázquez

Beldurrik gabe, baina arretaz

Dozenaka ibilbide daude seinale bidez adieraziak, Parke Nazionala batetik bestera zeharkatzen dutenak. Mendira doanak, lagunduta joan behar du beti, ez bakarrik; beldurrik ez zaio eduki behar, baina arretaz ibili behar da, eta ibilbide bakoitzak eskatzen duen esperientzia eta prestaketa fisikoa ere ezinbestekoak dira. Arropa eta tresneria egokiak behar dira, eguraldia eta tenperatura aldatu egin baitaitezke ibilaldia egiten ari garela, eta arreta jarri behar zaie parkeko langileek ematen dituzten eguraldi-iragarpenei. Abiapuntu guztietan, kartelak jarri dituzte aholkuak emateko, indarrean zer araudi dagoen adierazteko eta ibilbide bakoitzak, gutxi gorabehera, zenbat irauten duen eta zer ezaugarri dituen jakiteko. Cola de Caballo ur-jauziraino daraman ibilbideak erakartzen du jende gehien, argazkiak ateratzeko leku paregabea da eta. Ibilbideak 550 metroko desnibela gainditzen du, eta bidean, baso misto sarri bat zeharkatuz, hiru ur-jauzirekin topo egingo du ibiltariak: Arripas, La Cueva eta El Estrecho. Behin desnibela gaindituta, Soasoko zirkua agertuko zaio, belarrez inguratutako sakonune handi-handia; handixe egiten du jauzi urak, argazkilarien liluragarri.

  
Río Arazas a contraluz desde las cercanías de la pradera (izquierda) y vista desde la Faja de Pelay (derecha). García Blázquez
  
Hojas de haya (Fagus sylvatica). García Blázquez
  
Hayedo. García Blázquez
  
Calzadas de la Cueva (izquierda) y del Estrecho (derecha). García Blázquez
  
Cascada "Cola de Caballo". García Blázquez
  
Esqueleto de pino negro (Pinus uncinata), y Cascada de Cotatuero desde la Senda de los Cazadores. García Blázquez

Ordesako zerurantz daraman xenda

Ibilbide gogorragoa nahi duenak, berriz, Ehiztarien Xendari ekin diezaioke, Ordesako zelaitik bertatik. Ordu eta erdi pasatxoan, 650 metroko desnibela goitituko du, eta pagadian barrena sigi-saga bihurriak eginez, mendi-pinuen (Pinus uncinata) eremura helduko da; harkaitz artean leku eginez hazten da zuhaitz gogor hori, 1.600 metrotik gora, eta errododendroak ere hantxe ibiltzen dira, bazka bila. Igo ahala, Cotatueroko Zirkuari itsatsita geratuko dira mendizalearen begiak, ur-jauzi amaigabea isurian ari dela; urrutian, aparkalekua eta abiapuntuko zelaia ikusiko ditu. Gailurra iritsita, Calcilarruego begiratokia izango du zain, zorabiatzeko moduko anfiteatroa, behera begiratuz gero. Aurrean, ikuspegi paregabea: Racon, Gallinero eta Loreen Zerrenda. Hauspoa oxigenoz berdindu ostean, ordekan jarraituko du Pelayren Zerrendatik, eta Sierra de las Cutas esaten zaion mendilerroaren azpitik ibiliko da, Ordesako ibarrari airetik begira joango balitz bezala. Begi-kliska batekin, argazki-kameran betikotu ahal izango ditu Arazas ibaiak pago artean uzten duen arrastoa, Soasoko Zirkua, Custodia mendilerroa eta Tres Sororen mendiguneko gailur nagusiak.

  
Mirador de Calcilarruego con vistas al Gallinero y la Faja de las Flores. Bajo las nubes, a la izquierda el Casco, en el centro el pico Descargador y a la derecha La Torre. García Blázquez
  
Pino negro (Pinus uncinata) desde la Faja de Pelay. Al fondo el Pico de Otal y la Sierra de la Tendeñera. García Blázquez
  
Sierra de las Cutas sobre la Faja de Pelay. García Blázquez
  
Rododendro (Rhododendron ferrugineum). Arbusto perenne de alta montaña que florece en verano. García Blázquez
  
Quebrantahuesos (Gypaetus barbatus). Rapaz osteófaga con una envergadura media de 2,5 metros. E. Viñuales, cedida por el Gobierno de Aragón

Interesgarriak izan daitezkeen beste erreportaje batzuk


Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto