Nabigatze-menua pasa eta edukietara joan

EROSKI CONSUMER, el diario del consumidor

Bilatzailea

Buletinak

| Utzi | Aukerak |

EROSKI CONSUMEReko kanalak

Hizkuntza aldatu

Beste baliabide batzuk

  • beste pertsona bati bidali

Hosto berdeko ortuariak: Berdea platerean, osasuna gurean!

Hosto berdeko berdurek burdina, magnesioa eta K bitamina izaten dute ugari, eta oso egokiak dira anemiarentzat, kontrakturentzat eta hezurren osasuna zaintzeko

  Entsaladan, plater nagusi gisa, arrozarekin, pastarekin edo lekaleekin nahasita, goarnizio modura, tortillan, zartaginean erregosita, tempura erara aperitibotzat, haragia edo arraina laguntzeko... Edozein ideia da on, egunero berdura pixka bat jateko bada. Hori bai, proposamen guztiek ez dute balio egun guztietarako: ez da gauza bere gordinik jatea, al dente egosita edo lurrunetan eginda, adibidez, edo frijituta jatea, edo arrautza-irinetan pasatuta edo saltsa gantzatsuekin nahasita. Altxor gastronomiko guztiz osasungarriak dira berdurak, eta mantenugai sorta ederra biltzen dute: zuntz dietetikoa, bitaminak (azido folikoa, A probitamina, E bitamina), mineralak eta oligoelementuak (potasioa, magnesioa, burdina, kaltzioa...), eta askotariko substantzia bioaktiboak ematen dituzte, horien artean, herdoilaren aurkakoak. Osasunerako Mundu Erakundeak (OME) dioenez, fruta eta ortuari gutxiegi jateak zerikusi zuzena du munduan urtero gertatzen diren 2,7 milioi heriotzarekin; horietako % 30 kardiopatia iskemikoen ondorio izaten dira, % 20 urdail-hesteetako minbiziek eragiten dituzte eta % 10 garun-hodietako eritasunengatik gertatzen dira. Beldurtzeko moduko zifrak dira, baina, berez, ez da hain zaila ere arazo horri konponbidea jartzea: aski litzateke egunero jatea elikagai multzo horretako jakiak, horrek nabarmen gutxituko luke patologia horien eragina. Berdura batzuk, gainera, besteak baino gomendagarriagoak dira, kopuru handietan ematen dituztelako mantenugai eta substantzia bioaktibo jakin batzuk, eta, ondorioz, egokiagoak gertatzen dira egoera berezi batzuetarako. Badira anemiarentzat bereziki onak direnak, edo giharretako oinazearentzat, begien osasunari on handia egiten diotenak, baita hezurrak mineralizatzen laguntzen dutenak ere.

Zergatik ez ditut jaten berdurak egunero?
Hauxe da arrazoia Irtenbidea Errezeta-iradokizunak
Aspergarria eta monotonoa egiten zait berdura beti egosia jatea Errezeta originalak bilatu, bai osagaiei dagokienez, eta bai prestatzeko moduari eta aurkezpenari dagokionez:
zartaginean erregosita, tortilla, tempura eran, budin eginda, hanburger, haragi-bola, kroketa, enpanadilla? eginda.
  • Sasoiko berdurekin egindako hostopila.
  • Kaneloiak, legatz, espinaka eta langostinoekin beteak.
  • Kuiatxoak, arrozez beteak.
  • Zerba eta ganba nahaskia.
  • Lekak, txanpinoiekin erregosiak.
  • Bruselako azak, ganba eta muskuiluekin.
Entsaladan baino ez zaizkit gustatzen Berdura guztiak jan daitezke gordinik edo al dente
egosita, beren testura kurruskatsuarekin gozatzeko.
  • Entsalada epela, mahaspasa, pinazi eta langostinoekin.
  • Letxuga, brokoli, cherry, intxaur eta ahutz-gaztarekin.
  • Entsalada, babarrun zuri, leka eta izokinarekin.
  • Aza eta mahaspasa entsalada.
Zaporea ez dut askorik atsegin Zaporea nolabait ezkuta daiteke belar eta ongailu arin eta lurrintsuekin,
edo saltsa zaporetsuekin (ez daitezela izan ez gantzatsuek ez gaziak).
  • Zerba gainerreak, hurrekin.
  • Alkatxofa edo orburu erreak, pesto saltsarekin.
  • Brokolia, gaztanbera-kremarekin.
  • Espinakak, mahaspasa eta pinaziekin erregosiak.
  • Lekak, sesamo-saltsarekin.
Ez naute betetzen Jaki trinkoagoekin konbinatu (arrozarekin, pastarekin edo lekaleekin),
edo haragia eta arraina nagusi diren plateren osagarri erabili.
  • Kuskusa, leka, zerba, tipula eta azenarioarekin.
  • Arroza, brokoli eta txanpinoiekin erregosia.
  • Makarroiak, brokoli eta tomate-saltsarekin.
  • Arroz krematsua, espinaka eta txibiarekin.
  • Garbantzu-eltzekaria, zerba eta espinakekin.
  • Zerbaren orri-mamiak, arrautza-irinetan paseak, saltsa berdearekin.
  • Aza-bilkariak, arroz eta berdurekin beteak.
Ez dut astirik horiek prestatzeko Astean bizpahiru berdura hautatu, prestatu lurrunetan, presiozko eltzean edo irakinda, eta, gehienez, hurrengo hiru egunetan erabili, hainbat plater laguntzeko: plater nagusi moduan lehen egunean; pure egiteko, goarnizioetarako erregosita, tortillan edo nahaski eginda, beste errezeten osagarri (arrozak, pasta, lekaleak...).
Berdura izoztuak ere erabil daitezke (aski da ur irakinetara botatzea) edo kontserban datozenak, lehendik egosita eta jateko prest.
  • Azalorea: piperrautsarekin erregosia; bexamelarekin; arrautza-irinetan pasea, tomate-saltsa eta maionesarekin.
  • Garbantzuekin nahasia; arrozarekin; roquefort-saltsarekin; curry erara; tortilla eginda...
  • Lekak: kalabazarekin; tomate-saltsarekin; pure eginda; arroz eta solomo ketuarekin; entsaladan, ganbekin.
  • Babarrun zuri eltzekaria; fetuccine eta gazta-saltsarekin; leka eta urdaiazpiko nahaskia; zopan, azenario eta ogi txigortuarekin...

Helbide honetan aurkituko dituzu errezeta gozo horiek: www.consumer.es

Berdurak ere, haurrez 'jostailu'

  Haurrak eta berdurak beti ez dira ongi moldatzen elkarrekin. Ohikoa izaten da, adibidez, haurrei ez askorik gustatzea gauza berde horiek. Egoera pixka bat errazteko, aholku hauei jarraitzea izan daiteke aukera bat:

  • Aurkeztu platerak modu jostagarrian, kolorea emango duten osagaiak erabilita, erakargarri eta ikusgarri gertatuko zaizkienak. Erabili irudimena, eta marraztu aurpegiak, paisaiak, animaliak... berdurekin. Trikimailu horiek erakarri egiten dute haurren arreta; plateraren itxurari begira geratuko dira, eta ez dute hain zorrotz aztertuko berdurarik baduen edo ez.
  • Ez jarri berdura bera astean behin baino gehiagotan. Eta ezin bada, era batean baino gehiagotan prestatu: frijituta, pastaren betegarri gisa edo arrozarekin, labean eginda, bigarren plateren goarnizio moduan, eta abar.
  • Probatu errezeta berritzaileak. Ugaritasuna izaten da elikabide onaren gakoetako bat, askotariko jakiak jatea, eta gure inguruan, hainbat berazki eta berdura mota dauzkagu, mila modutako plater gustagarriak asmatzeko adina. Ez mugatu beti entsaladara (letxuga eta tomatea), edo lekak ez beti jarri patatekin. Alde ederra dago espinakak egosita jartzea edo urdaiazpikoarekin zartaginean egin, patata-purea erantsi eta gazta-birrina gainetik bota eta labean gainerreta prestatzea, tomate saltsa lagun duela. Guk ere gusturago jango genuke bigarrena, ezta?
  • Erabili berdura izoztuak edo kontserban datozenak, ezinezko bada produktu freskoak eskuratzea; hartara, ez dira egongo egun batzuetan berdura askotarikoak jan gabe.
  • Erantsi berdura zatiak edo berdura-purea haragiari, arrainari edo arrautzari. Adibidez: porru- eta ganba-pastela egin, oilaskoa piper-saltsarekin, espagetiak txanpinoi eta urdaiazpikoarekin, paella barazkiekin... Hasieran, adibidez, errazago jango dute berdurak xehe-xehe egin, eta haragi xehatuarekin haragi-bola edo albondiga eginda, edo etxean egindako hanburger gisa, edo, bestela, haragia, arraina edo arrautza duten plateren osagarri.
  • Erabili zopak hornitzeko. Berdura-purea erabil daiteke zopak loditu eta zapore gehiago emateko.
  • Zergatik ez saiatu barazkiekin egindako postreekin? Azenario-tarta, kalabaza-mokadutxo gozoak... Modu originala izan daiteke berdurak jateko.
  • Utzi haurrek ere parte har dezaten platerak prestatzerakoan. Entsaladak prestatzen lagun gaitzakete, edo etxean pizzak asmatzen, era askotako barazkiekin, irudimena lagun; adibidez, saia gaitezke osagaiekin aurpegi bat marrazten, animalia bat edo beste irudiren bat egiten.

Orrialde-zenbaketa

Ekintza honek Bizkaiko Foru Aldundiaren Kultura Sailaren laguntza jaso du

Orrialde honen baliabideak

Orri honen balidazioak

  • : W3C-WAIren Web 1.0 Edukirako Irisgarritasun Jarraibideak 'A-hirukoitza' mailarekin betetzen dituela adierazten du
  • XHTML: W3Ck dokumentu hau XHTML 1.1 zuzena dela baiztatzen du
  • CSS: W3Ck dokumentu hau CSS zuzena erabiltzen duela baiztatzen du
  • RSS: feedvalidator.org-k gure RSS jarioak zuzenak direla baiztatzen du