Igogailuen mantentze-lanak egiten dituen enpresak kalte-ordaina eskatu du kontratua bertan behera uzteagatik

 1997an, igogailuen mantentze-lanak egingo zituen enpresa bat kontratatu zuen etxejabe elkarte batek 10 urterako. Atxikitze-kontratuak esaten zuen automatikoki luzatuko zela kontratua, salbu eta lau hilabete lehenago jakinarazten ez bazen bertan behera utzi nahi zela. Epe horretatik kanpo alde batek jakinarazten bazuen eten egin nahi zuela kontratua, kalte-ordaina eman beharko zuen: gehienez ere, bi urteko fakturazioari zegokion kopurua. Kontratuaren lehen luzapen-aldian, etxejabeek adierazi zuten bertan behera utzi nahi zutela kontratua. Enpresak 945 euro eskatu zituen, baina hutsegite bat gertatu zela jakinarazi zuen gero, eta beste 1.881 euro eskatu zituen; etxejabeek uko egin zioten ordaintzeari. Gaia auzitara eraman zuten, eta 2009ko otsailaren 12an eman zuen epaia Soriako Probintzia Auzitegiak: etxejabeei eman zien arrazoia, eta ez zuten dirurik ordaindu behar izan, epailearen ustez gehiegizkoa baitzen klausula, eta fede onaren eta zerbitzuen oreka bidezkoaren kontrakoa.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du