Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Praktikoena > Lege-aholkularitza

Λ

Zure afera revista.consumer.es aldizkarian konpon dezagun nahi baduzu, jar zaitez gurekin harremanetan. Bistan denez, aldizkari honetatik interesgarrien jotzen ditugun kontsultak bakarrik argitaratuko ditugu

Kostu txikiko hegazkin konpainia batek gehigarri bat kobratu dio ekipajea erregistratzeagatik

Familiarekin oporretan abiatu, eta ordaindu egin behar izan dut joan-etorriko hegaldi batean maletak eramateagatik. Kostu txikiko konpainiek ba al dute eskubiderik ekipajea erregistratzeagatik kobratzeko? Eska nezake dirua itzultzeko?

  Txartelak balio duenaz gain tasa bat ezartzea ekipajea erregistratzeagatik, hori ez dator bat Aire Nabigazioari buruzko 48/1960 Legeak dioenarekin. Horrela mintzo da lege hori: "Garraiolaria behartuta egongo da bidaiariekin batera ekipajeak ere eramatera, txartelaren prezioaren barruan beti, eta arauek ezartzen dituzten pisu- eta bolumen-mugak zainduta"; beraz, konpainia batek diru gehigarria eskatzen badu ekipajea erregistratzeagatik, egoki jotzen da erabiltzaileak diru hori itzultzeko eskatzea. Hala iruditzen bazaizu, itzulketa-erreklamazioa aurkez ezazu zure udalerriko edo herrialdeko kontsumo bulegoetan edo jo ezazu Kontsumo Elkarte batera. Ahozko epaiketara ere eraman dezakezu hegazkin konpainia, abokatu eta prokuradorea hartu beharrik gabe, 900 euro baino gutxiago eskatuko dituzu eta. Epaitegian emango dizute salaketa jartzeko inprimakia.

Guztiak ez datoz bat, hala ere, interpretazio horrekin. Bilboko Merkataritza Epaitegiko 1. aretoak, adibidez, 2009ko urtarrilaren 29ko epai batean, atzera bota zuen antzeko erreklamazio bat. Epailearen esanetan, bidaiariak konpromisoa hartu zuen konpainiarekin, eskuko ekipajea baino ez zuela eramango, eta horren ondorioz lortu zuen prezio merkeagoa. Hori dela eta, konpainiak legerik ez zuela hautsi erabaki zuen epaileak. Txartelaren prezioak bere barne hartzen zituen bidaiaria eta ekipajea garraiatzea, baina txartela merkeago ateratzen zen eskuko ekipajea soilik eramanez gero. Epailearen hitzetan, ezin zen esan konpainiak gehiegikeriaz jokatu zuenik, salatzaileak ongi baitzekien, kontratua onartu aurretik, zein tarifa mota zeuden. Bidaiari bakoitzak aukeratzen du zer tarifa komeni zaion gehien, eta konpainiak ez du eragozpenik jartzen norberak bere ekipajea eraman dezan eta erregistratu. Horretarako eragozpenik jarri izan balu, orduan bai, legea hautsiko zukeen, baina ez bestela

Horregatik guztiagatik, kontratua ongi aztertu behar du kaltetuak, eta zer informazioa eman zioten ere bai; informazioak osoa, egiazkoa eta eskuragarria izan behar du. Alderdi hori funtsezkoa da erreklamazioarekin zerbait lor litekeen edo ez ikusteko.



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto