- Kokapen honetan zaude: Hasiera > Paperezko bertsioa > Praktikoena > Epaiak
Auziek, nahiz eta antzekoak izan, epai ezberdinak izan ditzakete. Orri honek gure eremuko epaitegien epaiak jasotzen ditu, betiere, epai horiek mota guztietako produktu eta zerbitzuetako kontsumitzaile eta erabiltzaileengan eragina baitute. Antzekotasuna duten kasuen aurrean, frogak, inplikatutako aldeen egoera zehatzak eta baita auzitegiak berak ere epai ezberdinak eman ditzake.
Hutsegite baten ondorioz, bankuak zordunen zerrenda batean jarri du bezeroa
Kontu korronte baten jabeari txartel bidez egindako erosketa baten dirua kendu zioten kontutik 2000. urtean, oker kendu ere, kopuru hura eta erosketa hura ez baitzetozen bat berak egindakoekin. Kontsumitzaileen bulegoak erreklamazioa aurkeztu zuen telefonoz eta idatziz, bai Bezeroaren Babeslearen bulegoan eta bai Espainiako Bankuan, eta salaketa ere jarri zuen polizia etxean. 2000. urteko ekainean hasi ziren erreklamazioak egiten, eta 2001. urteko apiril arte luzatu ziren. Tarte horretan, finantza erakundeak behin eta berriz eskatu zion bezeroari ordain zezala diru hori, interesak eta gastuak barne, eta zordunen bi zerrendatan argitaratu zituen haren datu pertsonalak eta zenbat diru zor zuen. Bezeroak salaketa jarri zuen bankuaren aurka, auzitara iritsi ziren eta irabazi egin zuen. Kalte moralak eragiteagatik 1.800 euroko zigorra ordaindu behar izan zuen bankuak. Hauxe dio Espainiako Auzitegi Gorenaren epaiak (2009ko apirilaren 24koa da): pertsona bat zordunen zerrenda okerreko batean jarrita, haren ohore-eskubidea legez kontra urratzen da, eta horrek kalte egiten dio pertsonaren duintasunari eta haren izen onari.
Eduki honen erlazioak
Interesatzen zaizu
Ekintza honek Bizkaiko Foru Aldundiaren Kultura Sailaren laguntza jaso du
Orrialde honen baliabideak
Nabigatze-menuak
Web honen atalak
IKERKETA
GAURKOTASUNA ETA AISIA
Moldeko 8 ogi aztertu ditugu, zuriak eta integralak 
4 tanpoi eta 4 konpresa aztertu ditugu 
Beste zerbitzu batzuk
Copyright-i buruzko informazioa eta lege-oharra
CONSUMER EROSKIn zure datuen pribatutasuna oso garrantzitsutzat jotzen dugu, lege oharra. © EROSKI Fundazioa