- Kokapen honetan zaude: Hasiera > Paperezko bertsioa > Gaurkotasuna eta aisia > Azaleko gaia
Informazio honetan agertzen diren datuak, informazioak, interpretazioak eta kalifikazioak burutu ziren momentuari soilik dagozkio eta, beraz, iraupen mugatua dute.
Animaliak babesteko etxeak: Espainiako 18 hiriburutako egoitzak aztertu ditugu, udalek kudeatuak, kontratatuak edo diruz lagunduak: Udal txakurtegiek zerbitzu onargarria ematen dute, baina gabeziak dituzte langileen eta informazioaren ataletan
Tweet- Nabarmentzekoa da babes-etxe horietako garbitasuna eta segurtasuna
- Animalia bat abandonatzea 210 euro kosta dakioke jabeari, eta adoptatzea, 85 euro
- Alde handiak antzeman ditugu hiri batzuetatik besteetara
- Lauk soilik onartu dute animaliak hiltzen dituztela
Animalia adoptatzeko tramitea eta konparatzeko taula
Datuak eman dizkiguten 15 hirietan 2008an abandonatu zituzten animalien % 40ri beste etxe bat aurkitu zieten. Gasteizen % 91rentzat aurkitu zuten etxea, Valladoliden % 80rentzat eta Bartzelonan, lau animaliatatik hirurentzat. Hiri horietan izan ziren emaitzarik onenak, eta Malagan eta Murtzian kaskarrenak: bost animalia abandonatutatik, bakarrari aurkitu zioten etxe berria.
Lau babes-etxetatik hirutan, animalia hartuko duenak 18 urte edo gehiago eduki behar ditu (A Coruñan, Malagan, Donostian, Cadizen eta Granadan aztertu ditugun etxeetan ez dute jartzen halako baldintzarik). Horrez gain, kontratu bat sinarazten diete jabe izan nahi dutenei (animalia bat edukitzeak zer betebehar dituen ageri da eta nola zaindu behar den ere bai), eta arriskutsu jotzen den animaliaren bat eraman nahi duenak, baimen berezi bat sinatu behar du. Babes-etxe guztietan parasitogabetuta ematen dituzte animaliak, eta hirutatik bitan, txertoa jarrita (Valladoliden, Sevillan, Alacanten, Oviedon, Granadan eta Kordoban ez), eta mikrotxipa ere hirutatik bik jartzen diete (Valladoliden, Sevillan, Alacanten, Granadan, Kordoban eta Gasteizen ez).
Animalia bat babes-etxetik hartzea ez da doan izaten. Bi lekutan soilik onartzen dute doan eramatea, Murtzian eta Valladoliden. Gainerako lekuetan, ordaindu egin behar izaten da mikrotxipa jartzea (derrigorrezkoa bada eta lehendik ez badauka), eta eman dizkioten albaitari-zerbitzuak ere bai (txertoa jartzea, antzutzea, parasitogabetzea...). Tarifak aldatu egiten dira hiritik hirira.
Eman diguten informazioa: zalantza asko
Azken ondorio moduan, babes-etxeetako langileek eman dieten informazioari eta tratuari erreparatu diote han izan diren teknikariek, eta beren iritziz animaliak zein egoeratan dauden ere adierazi dute. Atal horiek zenbakietara ekarriz, honako datuak ageri zaizkigu: udalek eta babes-etxeek eurek eman diguten informazioa, batez beste, 'onargarria' baino ez da (emaitza horixe lortu dute, hain zuzen, Iruñeak, Kordobak, Malagak, Oviedok, Valladolidek eta Zaragozak), nahiz eta salbuespen onak ere aurkitu ditugun: emaitza 'oso ona' lortu dute Madrilek eta Bartzelonak, eta 'ona' A Coruñak, Bilbok, Donostiak, Gasteizek, Murtziak, Sevillak eta Valentziak. Ezin dute gauza bera esan Alacanteko, Cadizko eta Granadako babes-etxe eta udalek (emaitza 'txarra' atera dute'); informaziorik apenas eman diguten udaletatik, eta langileek ere oso azalpen gutxi eman dizkiete teknikariei (gogoan hartu behar da animalia bat eramateko asmoa azaldu dutela). //
Ongi aztertzekoa
Etxe-animalia bat adoptatzen edo erosten duena erantzukizun baten jabe egiten da. Halako animalia bat ez da jostailu bat, ezpada izaki biziduna, eta behar jakinak izaten ditu. Hori dela eta, animalia bat ekarri aurretik, ongi aztertu behar da gaia, eta galdera ba-tzuen erantzunak argi eduki behar dira, erabaki okerrik ez hartzeko:
- Etxeko guztiek nahi dute animalia ekartzea? Zenbaitetan, etxe-animalia bat ekartzeko asmoa bulkada baten ondorio izaten da (gehienetan, haur baten bulkada), eta ez da kontuan hartzen zenbateko erantzukizuna eskatzen duen izaki bizidun bat etxean sartu eta hura zaintzeak eta hezteak. Aintzat hartu behar da, halaber, familiako inork ba ote duen alergiarik edo asmarik: animalien ileak (zehazki, horietan egoten diren akainek) alergiak sor ditzake, katuenak, txakurrenak, karraskarienak eta zaldienak, adibidez.
- Aski denbora badugu animaliari arreta jarri eta paseatzera ateratzeko? Animaliek ez dute ulertzen gu nekatuta edo haserre egotea. Egunero jarri behar zaie arreta, jana eta ura eman, egunean hirutan atera paseatzera (txakurrak), ariketa egitera eraman, haiekin denboratxo bat igaro... Besteak beste, familian toki bat egin behar zaie, dieta osasungarria eman eta ariketak egiteko aukera eman. Eta oporretan ere hori guztia behar izaten dute.
- Animalia bat edukitzeak sortzen dituen gastuei aurre egiteko prest gaude? Janaria, albaitaria, osagarriak... horiek guztiak ordaindu behar dira. Etxe-animalia bat edukitzea dirua kostatzen da: urtean behin, gutxienez, azterketa egin behar dio albaitariak (hortik kanpo geratzen dira gaixotasunak, ebakuntzak, bestelako tratamenduak...). Bizi osorako konpromisoa da, eta legeak betebehar batzuk jartzen dizkie jabeei: hiriko erroldan izena ematea, mikrotxipa jartzea, albaitari-zaintza ematea eta baldintza duinetan edukitzea.
- Animalia batekin bizitzeko prest gaude? Bizikidetza guztiz egokia izan dadin, animalia hezi egin behar da nahitaez (kumea dela egitea da onena). Etxe-animalia batekin bizitzeak afektu-lotura sendoak sortzen ditu eta sentimendu gogorrak ere bai (hiltzen denean, adibidez, edo haserrarazten gaituenean).
- Zein animalia mota ekarri nahi dugu? Ongi aztertu behar da zer nahi dugun eta zergatik. Txakur batek pozik lagunduko gaitu paseatzera, baina etxean gelditu zaleak bagara, hobe dugu katu bat ekar-tzea. Ongi bereizi behar da zer arraza nahi dugun, bakoitzak ditu-eta bere jokabide-ezaugarriak. Bi hilabete eginak dituzten kumeak ekartzea komeni da, lehenago amaren esnea behar izaten dute eta. Adoptatu egingo badugu, galdetu behar dugu zein txerto jarri dizkioten eta zein ez. Animalia osasun egoera onean dagoela ziurtatzeko, eskatu behar dugu mikrotxipa jarria eduki dezala, parasitogabetua egon dadila eta esterilizatua. Hala ez bada, lehenbailehen joan behar dugu albaitariarengana, eta osasun-betebehar guztiak gauzatu.
KONPARAKETAKO TAULA
| HIRIA | Etxearen azpiegiturak1 | Zerbitzuak eta aniTxarra ien zaintza2 | Instalazioen garbiketa eta mantentze-lanak3 |
|---|---|---|---|
| A Coruña | Onargarriak | Onak | Oso Onak |
| Alacant | Onak | Onargarriak | Oso Onak |
| Bartzelona | Oso Onak | Oso Onak | Oso Onak |
| Bilbo | Onak | Oso Onak | Txarrak |
| Cadiz-Rota | Onak | Onak | Onak |
| Kordoba | Onargarriak | Hola-halakoak | Txarrak |
| Granada | Onargarriak | Onargarriak | Oso Onak |
| Madril | Oso Onak | Oso Onak | Oso Onak |
| Txarra aga | Onargarriak | Hola-halakoak | Oso Onak |
| Murtzia | Onak | Onargarriak | Onak |
| Oviedo | Onak | Hola-halakoak | Txarrak |
| Iruñea | Onak | Onargarriak | Onargarriak |
| Donostia | Oso Onak | Onak | Oso Onak |
| Sevilla | Onak | Onak | Oso Onak |
| Valentzia | Onak | Onargarriak | Oso Onak |
| Valladolid | Onargarriak | Onargarriak | Oso Onak |
| Gasteiz | Onargarriak | Onak | Onak |
| Zaragoza | Onak | Onargarriak | Oso Onak |
| Batez bestekoa | Ona | Onargarria | Ona |
| HIRIA | Instalazioen segurtasuna4 | Eman diguten informazioa5 | Emaitza orokorra |
|---|---|---|---|
| A Coruña | Txarra | Ona | Hola-halakoa |
| Alacant | Onargarria | Txarra | Onargarria |
| Bartzelona | Oso Ona | Oso Ona | Oso Ona |
| Bilbo | Onargarria | Ona | Hola-halakoa |
| Cádiz-Rota | Ona | Txarra | Onargarria |
| Kordoba | Ona | Onargarria | Hola-halakoa |
| Granada | Ona | Txarra | Onargarria |
| Madril | Oso Ona | Oso Ona | Oso Ona |
| Malaga | Onargarria | Onargarria | Onargarria |
| Murtzia | Ona | Ona | Ona |
| Oviedo | Txarra | Onargarria | Hola-halakoa |
| Iruñea | Ona | Onargarria | Onargarria |
| Donostia | Oso Ona | Ona | Oso Ona |
| Sevilla | Oso Ona | Ona | Ona |
| Valentzia | Oso Ona | Ona | Ona |
| Valladolid | Oso Ona | Onargarria | Onargarria |
| Gasteiz | Ona | Ona | Ona |
| Zaragoza | Muy Ona | Onargarria | Ona |
| Batez bestekoa | Ona | Onargarria | Onargarria |
1. Etxearen azpiegiturak: zenbat bizitegi eta kaiola dituzten aztertu dugu, zein ordutegi daukaten jendearentzat, arraza arriskutsuak hartzen dituzten edo ez eta gainerako animaliekin batera bizi diren, kanpoaldean eremurik baduten edo ez paseatzeko edo ariketak egiteko, eta albaitari-gelarik baduten edo ez.
2. Zerbitzuak eta animalien zaintza: hau izan da atalik garrantzitsuenetakoa, eta hor aintzat hartu ditugu zein osasun-kontrol egiten dituzten, zein maiztasunekin ematen dieten jaten, kaiolak zabalak diren, animaliak lotuta egoten diren edo ez, eta zenbat langileren artean zaintzen dituzten animaliak.
3. Garbiketa eta mantentze-lanak: bizitegiak eta guztiek erabiltzeko eremuak garbi ote dauden aztertu dugu, tenperatura ere bai, argitasuna, hedadura eta mantentze-lanak
4. Instalazioen segurtasuna: aldizkariko teknikariek egiaztatu dute ea hesi egokiz inguratua egon diren babes-etxeak, segurtasun kamerarik eduki duten edo ez, gauez zainduta egoten diren edo ez, eta suteak itzaltzeko neurriak hartu ohi dituzten.
5. Eman diguten informazioa: Udalak emandako informazioa eta laguntza hartu dugu aintzat, eta babes-etxeko arduradunek emana ere bai. Ingurua erakusterakoan langileek zein jarrera eta gogo izan duten ere aztertu dugu (animalia bat hartzeko asmoz joandako herritar gisa aurkeztu dute beren burua teknikariek).
| Hiria | Bildu dituzten animaliak (2008) | Bildu dituzten animalien bilakaera 2007-2008 | 2008an bildu dituzten animaliak, egun bakoitzeko | 2008an abandonatu dituzten animaliak |
|---|---|---|---|---|
| A Coruña | 899 | -3,95% | 2,46 | 788 |
| Alacant | No facilitado | No facilitado | No facilitado | No facilitado |
| Bartzelona | 2.103 | 10,35% | 5,76 | 1.522 |
| Bilbo | 851 |
| 2,33 | 707 |
| Cadiz-Rota(1) | No facilitado | No facilitado | No facilitado | No facilitado |
| Córdoba | 4.392 | -8,40% | 12,03 | 4.125 |
| Granada | Ez digute jakinarazi | Ez digute jakinarazi | Ez digute jakinarazi | Ez digute jakinarazi |
| Madril | 5.222 | -10% (txakurrak) 14,6% (katuak) | 14,31 | 4.119 |
| Malaga | 3.004 | 18,38% | 8,23 | 3.004 |
| Murtzia | 4.979 | -8% | 13,64 | 3.126 |
| Oviedo(1) | 1.150 | 5% | 3,15 | 1.150 |
| Iruñea(1) | 592 | 0% | 1,62 | 536 |
| Donostia(1) | 748 | 1,90% | 2,05 | 748 |
| Sevilla | 1.740 | 20% | 4,77 | 1.919 |
| Valentzia | 3.388 | -9,60% | 9,28 | 3.240 |
| Valladolid | 816 | 0,80% | 2,24 | 506 |
| Gasteiz(1) | 1.599 | 1% | 4,38 | 1.599 |
| Zaragoza | 1.628 | -0,70% | 4,46 | 1.302 |
| GUZTIRA | 33.111 | - | 90,72 | 28.391 |
| Hiria | 2008an abandonatu dituzten animaliak, egun bakoitzeko | 2008an adoptatu dituzten animaliak | Adopzioak (%), 2008an(2) |
|---|---|---|---|
| A Coruña | 2,16 | 267 | 34% |
| Alacant | Ez digute jakinarazi | Ez digute jakinarazi | Ez digute jakinarazi |
| Bartzelona | 4,17 | 1.141 | 75% |
| Bilbo | 1,94 | 416 | 59% |
| Cadiz-Rota(1) | Ez digute jakinarazi | Ez digute jakinarazi | Ez digute jakinarazi |
| Kordoba | 11,30 | 1.473 | 36% |
| Granada | Ez digute jakinarazi | Ez digute jakinarazi | Ez digute jakinarazi |
| Madril | 11,28 | 1.481 | 36% |
| Malaga | 8,23 | 574 | 19% |
| Murtzia | 8,56 | 631 | 20% |
| Oviedo(1) | 3,15 | 340 | 30% |
| Iruñea(1) | 1,47 | 121 | 23% |
| Donostia(1) | 2,05 | 493 | 66% |
| Sevilla | 5,26 | 938 | 49% |
| Valentzia | 8,88 | 1.091 | 34% |
| Valladolid | 1,39 | 406 | 80% |
| Gasteiz(1) | 4,38 | 1.461 | 91% |
| Zaragoza | 3,57 | 587 | 45% |
| GUZTIRA | 77,78 | 11.420 | 40% |
1. Oviedoko, Cadizko, Donostiako eta Gasteizko babes-etxeek probintzia guztira hedatzen dute zerbitzua, eta Iruñekoak, Iruñerriko Mankomunitatera.
2.Adopzio portzentajea: abandonatu dituzten animalietatik zenbat adoptatu dituzten, ehunekoetan.
| Hiriak | Animalia babes-etxean uzteak zer balio duen |
|---|---|
| A Coruña | 49,06 euro (barne hartzen ditu biltzea, garraiatzea eta, behar balitz, erraustea) |
| Alacant | Ez digute jakinarazi |
| Bartzelona | Ezin da utzi babes-etxean |
| Bilbo | 74,95 eta 142,65 euro artean (txakurrak) eta 64,25 eta 107 euro artean (katuak) |
| Cadiz-Rota | Ez digute jakinarazi |
| Kordoba | Doakoa da |
| Granada | Ez digute jakinarazi |
| Madril | 32,75 euro |
| Malaga | Doakoa da |
| Murtzia | Doakoa da |
| Oviedo | Doakoa da |
| Iruñea | 50 euro |
| Donostia | 210 euro (jabeak ezin badu ordaindu, animalia onartzen dute) |
| Sevilla | Doakoa da |
| Valentzia | Ezin da utzi babes-etxean |
| Valladolid | Doakoa da |
| Gasteiz | 86,70 euro (heldua) eta 24,77 euro (kumea) |
| Zaragoza | Doakoa da (eutanasia eskatzen bada, 17,95 euro) |
| Hiriak | Animalia bat adoptatzek zer balio duen |
|---|---|
| A Coruña | 52,57 euro (identifikatzea, txertoa ematea eta parasitogabetzea) |
| Alacant | Ez digute jakinarazi |
| Bartzelona | 30 euro (identifikatzea eta osasun-zerbitzuak ematea) |
| Bilbo | Doakoa da |
| Cadiz-Rota | Ez digute jakinarazi |
| Kordoba | 18 euro (mikrotxipa jartzea eta parasitogabetzea) |
| Granada | Ez digute jakinarazi |
| Madril | 24 euro (mikrotxipa jartzea eta txertoa ematea) |
| Malaga | 41,71 euro (identifikatzea eta errabiaren aurkako txertoa ematea) |
| Murtzia | Doakoa da |
| Oviedo | 45 euro, gutxi gorabehera (mikrotxipa jartzea eta txertoak ematea) |
| Iruñea | 10 euro (animalia adoptatzeagatik ezartzen duten tasa) |
| Donostia | 85 euro (txakurrak: mikrotxipa jartzea + txertoa ematea +esterilizatzea); 65 euro (katuak: esterilizatzea soilik) |
| Sevilla | 36,78 euro (mikrotxipa jartzea, txertoa ematea eta albaitari-txartela egitea) |
| Valentzia | 40 euro |
| Valladolid | Doakoa da |
| Gasteiz | 24,99 euro (mikrotxipa jartzea) |
| Zaragoza | Albaitari-zerbitzuen araberakoa da |
Eduki honen erlazioak
Interesatzen zaizu
Ekintza honek Bizkaiko Foru Aldundiaren Kultura Sailaren laguntza jaso du
Orrialde honen baliabideak
Nabigatze-menuak
Web honen atalak
IKERKETA
GAURKOTASUNA ETA AISIA
8 oliba olioa aztertu ditugu, "birjina estra" motakoak 
Bizarra egiteko 5 gel eta 4 apar aztertu ditugu 
Beste zerbitzu batzuk
Bigarren mailako beste zerbitzu batzuk
Copyright-i buruzko informazioa eta lege-oharra
EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa