Unibertsitatea, bidegurutzean

Bologna Prozesua. Galderak era erantzunak

  Aldaketa handiak gertatzen direnean edo egiturazko berrikuntzak abian jartzen dituztenean, mesfidantza eta zalantza handiak sortzen dira han eta hemen, eta Bolognako Adierazpenarekin ere horixe gertatu da. Titulazio jakin batzuetako ikasle eta irakasleek agertu dute kontrakotasun gehien, Bolognak desagerrarazi egingo dituelakoan (filologia batzuetakoek eta Artearen Historiakoek, batik bat), baina ez da eremu horietara mugatu, eta hedadura handi samarra hartu du zenbait lurraldetan. Unibertsitateek eta Espainiako Hezkuntza Ministerioak erantzun beharrean ikusi dute beren burua, eta honako azalpen hauek eman dituzte Europako esparru berrira egokitzeak ekarriko duenaren inguruan:

Zer gertatuko da egungo tituluekin?

Egungo tituluek ez dute galduko ez baliorik eta ez ofizialtasunik. Horien lan-aukerak ere ez dira mugatuko, nahiz eta ikasketen eta tituluen egiturak moldatu. Horixe esaten du Unibertsitate-Ikasketak Antolatzeko Errege Dekretuak, 2007ko urrian onartuak; testu horrek ezarri zituen oinarriak Espainiako unibertsitateak behar bezala egokitu zezaten euren eskaintza Goi mailako Hezkuntzaren Europako Esparrura.

¿Goi mailako Hezkuntzaren Europako Esparruak eraginik izango du egun unibertsitatean ari direnentzat?

Izango da modurik ikasketa-plan zaharra utzi eta Bolognako Planeko gradu batera aldatzeko? Karrera zein ikasketa-planekin hasi duten, harexekin jarraitu ahal izango dute ikasleek. Unibertsitarioek, beraz, eragozpenik gabe amaitu ahal izango dute euren ikasketa-plana, eta zaie aldatuko ez ikasketen egiturarik, ez edukirik eta ez garapenik. Nolanahi ere, lehenagoko unibertsitate-arauen mende dauden ikasketak egiten ari direnek aukera izango dute ikasketa berrietan hasteko, baldin eta unibertsitateak baimena ematen badie (1393/2007 Errege Dekretuak eta unibertsitatearen beraren araudiak esaten duenari jarraiki, betiere).

Gradu guztiak izango dira 4 urtekoak?

Egia esan, gradu guztiak ez dira izango 4 urtekoak. Zenbait ikasketa Europako araudi berezi batzuen mende daude, eta kreditu gehiago behar izaten dira horietan. Medikuntzan (360 ECTS), Albaitaritzan (300 ECTS) eta Arkitekturan (300 ECTS + Gradu amaierako Lana) kreditu gehiago eskatzen dituzte, eta, ondorioz, 4 urte baino gehiagoko ikasketak dira.

Master bat egitea beharrezkoa izango da lan merkatuan sartu ahal izateko?

Kasurik gehienetan ez da izango beharrezkoa. Gradu titulua duenak prestakuntza egokia izango du lanean aritzeko. Espainian araututa dauden zenbait lan jarduera egiteko, ordea, beharrezkoa izango da master bat egitea, hor lortzen duten prestakuntza ezinbestekoa baita. Hori gertatzen da, esaterako, Abokatutzarekin, Goi mailako Ingeniaritzekin eta Bigarren Hezkuntzan ariko diren irakasleekin.

Bekak desagertu egingo dira eta horien ordez maileguak emango dituzte ikasketak finantzatzeko?

Bolognak ez du ezartzen inolako irizpiderik beken inguruan. Errenta-mailegu deitzen direnek -2007an sortu zituzten- beste kontzeptu bat adierazten dute, eta ez dituzte ordezkatuko egungo bekak (garrantzitsua da hori kontuan hartzea). Mailegu horiei esker, errenta-mugak gainditu eta bekarik jaso ezin duen ikasleak aukera du Masterra ordaindu ahal izateko, eta behin lanean hasita, itzuli egingo du diru hori, interesik gabe.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du