Nabigatze-menua pasa eta edukietara joan

EROSKI CONSUMER, el diario del consumidor

Bilatzailea

Buletinak

| Utzi | Aukerak |

EROSKI CONSUMEReko kanalak

Hizkuntza aldatu

Beste baliabide batzuk

  • beste pertsona bati bidali

Informazio honetan agertzen diren datuak, informazioak, interpretazioak eta kalifikazioak burutu ziren momentuari soilik dagozkio eta, beraz, iraupen mugatua dute.

Finantza erakundeen Gizarte Ekintza: Espainiako 21 aurrezki kutxak eta 5 bankuk gizarte ekintzetara zenbat bideratzen duten aztertu dugu: Gizarte Ekintzari kenduz indartu dituzte erreserba funtsak kutxa handiek

·Bankuek halako hamar bideratzen dute aurrezki kutxek gizarte ekintzetara.
·Bi kutxa nagusiek nabarmen gutxitu dute Gizarte Ekintzarako jartzen duten portzentajea.
·'Osasuna eta gizarte laguntza' arloari ematen dioten dirua % 50 handitu da, kulturaren eta aisialdiaren kaltetan

Proiekturik aipagarrienak eta konparatzeko taula

Herritarrek dituzten eskariei erantzutea da aurrezki kutxen Gizarte Ekintzaren helburua. Familien baliabideak urritzen direnean, gizarte-laguntzako beharrak ugaritu egiten dira oro har, eta kutxen Gizarte Ekintzako diruak ere arlo horretara joaten dira nagusiki. 2008. urtean, esaterako, diru ugari jarri dute kutxek gizartean integratzeko zailtasunak dituzten giza taldeentzako jarduerak antolatu ahal izateko, garapen lankidetzako programak gauzatzeko, hirugarren adinari laguntzeko edo osasun azpiegiturak finantzatzeko.

Horren erakusgarri da, adibidez, Donostiako Onkologia Institutua; Kutxa erakundeak ordaindu du ekimen hori, eta Gizarte Ekintzarako jartzen duen diru guztiaren erdia bideratu du horretara, 41 milioi euro. La Caixak, berriz, ia zazpi milioi euro jarri ditu beketan, espetxeetan preso daudenak lan munduan barnera daitezen; CAN erakundeak bi milioi euro jarri ditu Isterria Ikastetxea gauzatu ahal izateko (heziketa berezia ematen dute); eta Vital Kutxak 1,3 milioi euro jarri ditu "Vitalquiler" programarako, zeinaren bidez alokairuko pisuak eskaintzen zaizkien gazteei, diruz lagunduta.

Kulturara ere iritsi da kutxen Gizarte Ekintzaren dirua. Diru hori batik bat erabiltzen da erakusketa aretoak, museoak, erabilera anitzeko gelak eta bibliotekak sortu eta zaintzeko, musika eta antzerki emanaldiak sustatzeko, eta kongresuak, mintegiak edo erakusketak antolatzeko. Guk aztertu ditugun kutxek lagundu dituzten kultur ekimenetan, Bancaja erakundeak aurrera eraman duen bat nabarmendu da: "Sorolla. Visión de España" erakusketa, hain zuen ("Sorolla. Espainiari begira"). Leku askotan ibili da, Sevillan, Bilbon, Malagan, Valentzian eta Madrilen, eta ia milioi bat lagunek ikusi dute. Baina izan dira gehiago ere: CAIk, esaterako, Huescako Nazioarteko Zinemaldia lagundu du, eta Caja Riojak, Eleberri arloko II. Logroño saria (Logroñoko Udalarekin eta Anaya argitaletxearekin elkarlanean aritu da, eta 90.000 euroko saria eman dute).

Gizarte Ekintzako aurrekontuaren zatirik txikiena hezkuntza-ikerkuntza arloak eta ondarea-ingurumena arloak eraman dute. Horrek ez du esanahi, hala ere, proiektu aipagarririk ez dagoela bi arlo horietan. BBVAk 12,2 milioi euro eman ditu Latinoamerikako 50.000 haurren heziketa-beharrei erantzuteko; Caja Españak 800.000 euro jarri ditu unibertsitarioei, lanbide heziketako ikasleei edo hizkuntzak ikasi nahi dituztenei bekak emateko; Unicajak hiru milioi eurorekin baino gehiagorekin lagundu du Malagako Maria Cristina Antzinako Errege Kontserbatorioa zaharberritzeko ekimena; eta CAM erakundeak, berriz, "CAM Ura" programa sustatu du: eskola umeak uraren inguruan sentsibilizatzea eta trebatzea da helburua, eta baliabide hori modu iraunkorrean erabiltzen eta kudeatzen ikasteko hainbat jarduera eskaintzen dizkiete.

KONPARAKETAKO TAULA

Finantza erakundeek zer inbertsio egin duten Gizarte Ekintzan, eta euren irabazien zer portzentaje jarri duten
Erakundea Gizarte Ekintzako gastua, 2008an (milioi euroan) 2007ko irabazien zer portzentaje jarri duten Gizarte Ekintzarako 2007an zenbat irabazi duten (milioi euroan)
Caixa Galicia 84* 42,40% 198
Caja Rioja 8 42,10% 19
Kutxa 81 37,50% 216
Caja Sur 29* 36,20% 80
Caixanova 63 35,40% 178
Caja Vital 25 35,20% 71
CAN 51 30,30% 168
Caja Duero 34 29,60% 115
CAI 25 29,00% 86
BBK 82 26,70% 307
Bancaja 84 22,80% 369
Caja Murcia 39 22,40% 174
Caja España 33* 22,30% 148
Ibercaja 60* 22,10% 271
Unicaja 68* 20,80% 327
Caja Cantabria 11 19,60% 56
La Caixa 465* 18,70% 2488
Cajastur 31* 17,60% 176
Caixa Catalunya 82 16,80% 487
CAM 49* 12,70% 386
Caja Madrid 250 8,70% 2861
Banco Popular 20 1,9%** 1052**
BBVA 85* 1,7%** 5020**
BSCH 126 1,40% 9060
Bankinter Ez digute esan Ez digute esan 252**
Banco Sabadell Ez digute esan Ez digute esan 674**

Iturria: erakundeen urteko memoria-txostenak

* Amortizazio gastuekin.

** 2008ko irabaziak, eta irabazi horiekiko portzentajea.

Aurrezki kutxek eta bankuek zenbat jarri duten Gizarte Ekintzarako, irabaziekiko: 2003ko eta 2008ko datuen alderaketa
Erakundea 2003an Gizarte Ekintzarako jarri zuten portzentajea 2008an Gizarte Ekintzarako jarri duten portzentajea 2003an Gizarte Ekintzan zer inbertitu zuten (milioi euroan) 2008an Gizarte Ekintzan zer inbertitu duten (milioi euroan)
La Caixa 37,6% 18,7% 177 465***
Caja Madrid 26,9% 8,7% 136 250
Caja Cantabria 32% 19,6% 7 11
CAM 23,1% 12,7% 39 49***
Cajastur 23,7% 17,6% 23 31***
Caja Murcia 28,4% 22,4% 22 39
BBK 30% 26,7% 57 82
CAN 32,9% 30,3% 22 51
Banco Popular 4,3%** 1,9%** 22 20
BSCH 2,7% 1,4% 71 126
Ibercaja 23,3% 22,1% 39 60***
BBVA 1,5%** 1,7%** 34 85***
Caja Duero 28,8% 29,6% 20 34
Unicaja 19% 20,8% 33 68***
Caja Rioja 39,6% 42,1% 5 8
Caja Vital 26% 35,2% 12 25
Caixa Galicia 31% 42,4% 52 84***
Kutxa 21% 37,5% 34 81
Banco Sabadell 1% Ez digute esan 2 Ez digute esan
Bankinter Ez digute esan Ez digute esan Ez digute esan Ez digute esan

Iturria:erakundeen urteko memoria-txostenak. 2004ko azterketan parte hartu zuten 20 erakundeak soilik hartu ditugu kontuan. 2009ko ikerketa honetan, sei kutxa gehiagorekin egin dugu azterketa, eta, hortaz, 26 izan dira.

** Urte bereko irabaziekiko portzentajea.

*** Amortizazio gastuekin.

Finantza erakundeek nola banatzen duten Gizarte Ekintzako inbertsioa
Erakundea Osasuna eta Gizarte laguntza Hezkuntza eta Ikerkuntza Kultura eta Aisialdia Ondare historiko-artistikoa eta Ingurumena Bestelakoak
Caixa Galicia 24% 22% 36% 18% 0%
Caja Rioja 15,5% 16,6% 64% 4% 0%
Kutxa 57% 19% 19,5% 4,5% 0%
Caja Sur 32,66% 12,31% 44,39% 10,63% 0%
Caixanova 24,25% 19,65% 51,94% *** 5%
Caja Vital 20% 11% 45% 24% 0%
CAN 48,49% 12,2% 24,3% 14,56% 0%
Caja Duero 34% 8% 52% 6% 0%
CAI 14,8% 23% 44,8% 6,3% 11%
BBK 50% 18% 30% 1,53% 0%
Bancaja 28,89% 28,6% 40,85% 1,5% 0%
Caja Murcia Ez digute esan Ez digute esan Ez digute esan Ez digute esan Ez digute esan
Caja España 26,86% 20,72% 34,82% 17,60% 0%
Ibercaja 28,5% 24,36% 28% 14,28% 5%
Unicaja 30,4% 15,6% 49,4% 4,5% 0%
Caja Cantabria 50% *** 40% 10% 0%
La Caixa 64% 7% 15% 14% 0%
Cajastur 51% 13% 36% *** 0%
Caixa Catalunya 43% 2% 15,20% 9% 31%
CAM 37% *** 27% 36% 0%
Caja Madrid 60% 23% 17% *** 0%
Banco Popular 62,85% 20,6% 5,55% *** 11%
BBVA 48% 34% 9% 9% 0%
BSCH Ez digute esan Ez digute esan Ez digute esan Ez digute esan Ez digute esan
Bankinter Ez digute esan Ez digute esan Ez digute esan Ez digute esan Ez digute esan
Banco Sabadell Ez digute esan Ez digute esan Ez digute esan Ez digute esan Ez digute esan

Iturria: erakundeen urteko memoria-txostenak.

*** Beste atal batean sartua dago edo ez dago izen hori duen atalik.

Orrialde-zenbaketa

Ekintza honek Bizkaiko Foru Aldundiaren Kultura Sailaren laguntza jaso du

Orrialde honen baliabideak

Orri honen balidazioak

  • : W3C-WAIren Web 1.0 Edukirako Irisgarritasun Jarraibideak 'A-hirukoitza' mailarekin betetzen dituela adierazten du
  • XHTML: W3Ck dokumentu hau XHTML 1.1 zuzena dela baiztatzen du
  • CSS: W3Ck dokumentu hau CSS zuzena erabiltzen duela baiztatzen du
  • RSS: feedvalidator.org-k gure RSS jarioak zuzenak direla baiztatzen du