Ordenagailu eramangarria lau aldiz matxuratu zaio, eta zerbitzu teknikoak ez du aintzat hartu nahi bermea

 Kontsumitzaile batek ordenagailu eramangarri bat erosi zuen, eta lehen sei hilabeteetan hiru matxura handi izan zituen. Laugarren aldiz matxuratu zitzaionean, zerbitzu teknikoak uko egin zion bermea ezartzeari, urtebete igaro zelako erosi zuenetik eta, horrez gain, azpialdeko tapa eskuztatua zuelako eta horrek bermea galtzea zekarrelako. Kontsumitzailearen Bulegotik erreklamazioa bidali zioten zerbitzu teknikoari, baina deus lortu ez zuenez, kontsumitzaileak auzitara eraman zituen saltzailea eta ekoizlea, eta eskatu zuen erositako ondasuna alda ziezaiotela eta ordaina eman ziezaiotela kalte-galerengatik. Eta irabazi egin zuen epaiketa. Honako hau argudiatu zuen Madrilgo Probintzia Auzitegiaren hamahirugarren atalak (2008ko urriaren 28koa da epaia): kontuan hartu behar zela ordenagailua behin eta berriz matxuratu zela; saltzaileak uko egin ziola zaharraren truk berria emateari; Kontsumitzailearen Bulegoan erreklamazioa jarri zuela; geroztik egindako konponketek ere bazutela beren bermea (hiru hilekoa), bi urteko bermeaz gain; ez dela ekoizlearen edo saltzailearen zeregina bermearen aldiak mugatzea edo zehaztea, edo erosleei aukera bakarra inposatzea (ordenagailua konpondu beste irtenbiderik ez eskaintzea, alegia), eta are gutxiago aurrez egindako konponketek emaitza onik eman ez zutela ikusita; eta ordenagailua gaizki erabili zuelako salaketak ez zeudela frogatuta, eta susmo eta usteetan baino ez zirela oinarritzen.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du