Luxuzko bidaia bat kontratatu dute Karibera joateko, eta logela estandar arrunt batean sartu dituzte

  Lagun talde batek Santo Domingora joateko bidaia hartu zuen; bost izarreko hotela zuten eta, eskaintzaren arabera, instalazio berezi-bereziak eta VIP zerbitzuak erabili ahal izango zituzten. Ordea, ezin izan zituzten erabili ez gela horiek ez luxuzko zerbitzuak ere. Hotelak utzitako logela batean sartu zituzten lehenik, eta birentzako logela estandar batean gero. Epaiketara jo zuten, eta ordaindutako dirua itzultzeko eskatu zieten agentzia saltzaileari eta antolatzaileari, kalte moralengatik (1.500 euro baino gehiago). Bartzelonako Auzitegiak 2008ko maiatzaren 15ean eman zuen epaia. Han esaten denez, handizkako agentzia antolatzaileak hutsegite nabarmena egin zuen eskaintza egiterakoan, baina kontratuaren zati bat bederen bete zuen, turistek euren bidaia egin ahal izan baitzuten, nahiz eta logela apalagoetan izan. 710 euro ordaintzera zigortu zuen handizkako agentzia (alde hori zegoen logela apaletatik goi mailakoetara), eta kalte moralengatik, beste 1.000 euro ordaindu behar izan zizkion salaketa jarri zuen bakoitzari. Txikizkako agentziak ez zuen ezer ordaindu behar izan, informazio-orriak baitzeukan akatsa, eta hori antolatzailearen ardura da.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du