Ilerako tratamendua

 Gizon batek tratamendu dermokosmetiko bat kontratatu zuen, baina ez zion eman agindutako emaitzarik, eta, ondorioz, nerbio tentsioa eta depresioa eduki zituen. Salaketa jarri zuen zentroaren aurka, esanez ez ziotela eskatu oniritzi informatua tratamenduaren gainean, eta ziria sartu nahi izan ziotela prezioarekin eta lortuko zuen emaitzarekin. Valentziako Probintzia Auzitegiak honako hau erabaki zuen 2008ko ekainaren 6ko epaian: tratamendu mediko bat ez zenez, ez zuen behar gaixoaren oniritzi informatua, kontratuan argi esaten baitzen tratamendu kosmetologikoak emango zizkiotela, ez medikuak; ondorioz, ez zegokion Osasun Lege Orokorra ezartzerik. Hala ere, enpresak arau-hauste bat egin zuela iruditu zitzaion epaileari, ez baitzen mugatu tratamendu egoki bat ematera; horrez gain, zenbait kosmetiko erantsi zituzten, eta garestitu egin zuten tratamendua, baina ez zegoen frogatuta on egingo ote zioten. Arrazoi horregatik, kontsumitzaileari 1.000 euro ordaintzera behartu zuen kalte moralengatik (alopezia arazoak konpontzeko itxaropena zapuzteak egin zion eraginagatik).

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du