Iraupen-kontratua eten dut sakelako telefonoaren operadorearekin, eta zigorra jarri didate

Kontratu bat sinatu nuen sakelako telefonoen operadore batekin, eta epe jakinean haiekin jarraitzeko konpromisoa hartu nuen; telefonoa gutxi erabiltzen nuenez, kontratu bidezko telefonoa utzi eta txartel bidezkoa hartzea erabaki nuen. Ordainagiria iritsi zaidanean, ordea, ikusi dut kobratu egin didatela kontratua eteteagatik eta batetik bestera aldatzeagatik. Erreklamaziorik egin nezake?

  Batetik bestera aldatu zara, baina ez operadore batetik bestera; kontratu bidezko telefonoa utzi eta txartel bidezkoa hartu duzu, hori izan da aldaketa. Konpainiarekin egina zenuen kontratuan ageri ziren baldintzak ez dituzu bete, epe jakin baterako eta baldintza jakin batzuetan hala jarraituko zenuela sinatu baitzenuen. Beraz, legezkoa da operadoreak dirua kobratzea arau-hauste horregatik. Dena dela, beti jo dezakezu Bezeroaren Arretarako Zerbitzura, jakiteko ea kopuru egokia kobratu dizuten.

Zuk kobraketa sistema aldatu zenuen, eta aldaketa horri buruzko informazioa eskatu zenuenean, operadoreak agian ez zizun jakinarazi horrek kostu bat izango zuela. Hala izan bada, haien hutsegitetzat hartu behar da. Bezeroaren Arretarako Zerbitzura dei dezakezu, eta eska dezakezu itzul diezazutela azken ordainagirian ordaindu duzun dirua. Deitzen duzunean, erreklamazioaren erreferentzia zenbakia emateko eskatu behar diezu, eta berariaz adierazi behar duzu inork ez zizula jakinarazi dirua ordaindu beharko zenuela aldatzeagatik, eta horregatik pentsatu zenuela doan izango zela. Hilabeteren buruan erantzunik ematen ez badizute, Kontsumitzailea Informatzeko Udal Bulegora jo dezakezu. Operadore batetik bestera aldatu nahi denean, eta zenbaki berari eutsi, operadore berriarekin jarri behar da harremanetan. Hark egingo ditu egin beharreko guztiak, eta ezer ordaindu gabe pasatu ahal izaten da kontratu bidezko telefonotik txartel bidezkora, edo alderantziz.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du