Zerbitzua ongi ez dabilelako, beste bat kontratatu behar izan du, eta lehen 8 euro ordaintzen zuena, 40ra igo zaio

 Internetera sartzeko zerbitzu bat kontratatu zuen internauta batek operadore baten bitartez, hilean 8,10 euro ordaintzearen truke. 2004ko urrian, eskaintza batez baliatuz, beste zerbitzu bat kontratatu zuen, zeinak aukera emango baitzion ordu arte jasotzen zuena telefono-deien barnean sartzeko, hilean 17,37 euro ordainduta. Zerbitzua, ordea, ez zebilen ongi, eta 2005ean beste zerbitzu bat kontratatu behar izan zuen (43,36 euro kostatzen zitzaion hilean). Baina zerbitzu hark ere arazoak ematen zizkion, eta 2005eko martxoan fax bat bidali zion operadoreari esanez kontratua eten nahi zuela. Bezeroaren ustez, gainera, 2004ko urritik jaso zuen zerbitzua ez zen izan batere ona, eta salaketa jarri zuen operadorearen aurka (tarte horretan ordaindu zuena itzultzeko eskatu zuen). Madrilgo Auzitegiak arrazoi eman zion, 2008ko urtarrilaren 23an. Auzitegiak esan zuen frogatua geratu zela zerbitzuak gaizki funtzionatu zuela, eta horren erakusgarri zirela erabiltzaileak jarri zituen erreklamazioak eta bezeroen telefonora egin zituen dei ugariak. Auzitegiaren ustez, operadoreak erabili zuen kontratazio-moduak -kontratatu zituen zerbitzuen inguruko dokumentaziorik ez zioten eman erabiltzaileari- legea hautsi zuen, ez baitzituen bete bere betebeharrak.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du