Erositako PDA lau hilabeteren buruan matxuratu zaio baina saltokiak ez du nahi bere gain hartu konpontzeko ardura

 Kontsumitzaile batek PDA bat erosi zuen 669 euro ordainduta. Handik lau hilabetera, matxuratu egin zitzaion kanpo-elikagailua, eta tresna ez zen kargatzen. Saltzailearengana jo zuen, eta hark esan zion zerbitzu tekniko ofizialera joateko, baina haiek ere ez zioten konpondu: ez omen zegoen konpontzeko modurik eta, gainera, bermetik kanpo omen zegoen, kolperen bat hartu zuelako, edo erori zelako edo gaizki erabili zutelako. Kontsumitzailea saiatu zen saltokiarekin ados jartzen -kontsumoko ebazpen batzordeen bitartez-, hark bere gain har zezan erantzukizuna, baina ez zuen lortu, eta auzitara jo zuen. 2008ko martxoaren 12an eman zuen epaia Bartzelonako Auzitegiak, salatzailearen aldekoa, hain zuzen. Epaiak dio lehen lau hilabeteetan ongi ibili zela PDA, eta matxura agian sortuko zela oker erabili izanagatik, baina berdin-berdin sor zitekeela egoki erabilita ere. Alderdi hori argitzeko txostenik ez zegoenez, eta lehen sei hilabeteetan legeak kontsumitzaileari arrazoi ematen dionez, oro har, saltzaileari zigorra ezarri zion auzitegiak: ordaindutako dirua eta haren interesak itzuli behar izan zizkion, eta prozesuaren kostuak ordaindu.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du