Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Praktikoena > Lege-aholkularitza

Λ

Zure afera revista.consumer.es aldizkarian konpon dezagun nahi baduzu, jar zaitez gurekin harremanetan. Bistan denez, aldizkari honetatik interesgarrien jotzen ditugun kontsultak bakarrik argitaratuko ditugu

Hegazkin konpainia bateko langileek modu desegokian lagundu dute pertsona ezindu bat hegazkinera igotzen

Iragan udan hegazkinean bidaiatu nuen nire anaia ezinduarekin. Bidaia hasi aurretik jakinarazi nion konpainiari gutako batek laguntza beharko zuela hegazkinera igotzeko, eta "hegazkinera igotzeko lehentasuna" ematen zuen billetea ordaindu nuen. Bi langilek igo zuten anaia hegazkinera: hura gurpil aulki txiki berezi batean zegoela, pultsuan jaso eta airean eraman zuten hegazkinera igotzeko eskailera pikoan barrena. Jakin nahi nuke zer eskubide dituzten gurpil aulkietan ibili beharra dutenek hegazkinera igotzeko orduan edo handik jaisterakoan, eta zein neurritan kontsumitzaileok behartu ditzakegun hegazkin konpainiak edo AENA segurtasun protokoloak hobetu ditzaten bidaiari horientzat.

  Pertsona ezinduak edo mugikortasun mugatua dutenak hegazkin barruan daudenean, hegazkin konpainien betebeharra da horiek laguntzea; aireportu barruan daudenean eta hegazkinera igotzeko edo handik jaisteko unean, berriz, aireportua kudeatzen duten erakundeei dagokie laguntza ematea, edo erakunde horiek zeregin horretarako jartzen dituztenei. Behartuta daude gurpil aulkiak edukitzera, igogailuak edo beste zeinahi laguntza sistema, eta behar dituen ororen eskura jarri behar dituzte, baldin eta garaiz jakinarazi badiete. Pertsona ezinduren batek edo mugikortasun mugatua duen norbaitek uste badu ez diotela behar bezalako laguntzarik eman, AENAk izaten dituen Erreklamazio Orrietako bat bete dezake aireportuetako informazio mahaietan. Bestela, mezu elektroniko bat ere bidal dezake sinbarreras@aena.es helbidera.

Laguntza mota hori doakoa da, baina hegazkin konpainiek eta aireportuak kudeatzen dituzten erakundeek erabaki dezakete laguntza osatuagoa eskaintzea, araudiak agintzen duen baino maila handiagokoa, eta halakoetan, kobratu ere egin dezakete. Hegaldietan, 48 ordu lehenago jakinarazi behar zaio hegazkin konpainiari laguntza beharko dugula eta zer laguntza mota beharko dugun. Hegazkin konpainiak, berriz, behartuta daude neurri egokiak hartzera laguntzaren bat behar izango duen norbaitek jakinaren gainean jar ditzan, bai txartelak saltzen dituzten leku guztietan, bai telefono edo Internet bidez txartelak saltzeko jartzen dituzten guneetan. Hegazkin konpainiek ez ezik, turismo operadore guztiek ere hartu behar dituzte neurri horiek, derrigorrean. Nahi izanez gero, AENA erakundea ere jakinaren gainean jar daiteke, eta hala eginez gero, gure eskaria jaso dutela baieztatzea komeni da. Behin hori eginda, AENAk zehazten digun lekuan agertu beharko dugu, eta haiek esandako orduan edo, gutxienez, hegazkina irten baino bi ordu lehenago.



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto