7 txorrota termostatiko, dutxa eta bainukoak: Dutxako eta bainuko txorrotetatik, batek soilik ematen du arauak agintzen duen adina ur

Argo 54.28.CDR

 

• Prezioa: 95,45 euro
• Kalitatea, oro har: Oso ona

Kalitate-prezioak aintzat hartuta, hauxe da onena

Guztietan merkeena da, bainatzeko eta dutxatzeko emari handiena eskaintzen du, eta tenperaturari ongien eusten dionetakoa da beste txorrota bat irekitzean. Etiketa gaizki emana du, ez baitu jartzen ekoizlearen helbiderik.

Roca Prada T

 

• Prezioa: 152,84 euro
• Kalitatea, oro har: Bikaina

Erdi pareko prezioa du. Txorrota guztien artean, honek eutsi dio ongien tenperaturari beste txorrota bat ireki dugunean edo galdara gelditu denean. Legeak agintzen duen bermeaz gain (bi urtekoa izan behar du), beste hiru urteko bermea eskaintzen du aukeran.

Forma Niza

 

• Prezioa: 133, 45 euro
• Kalitatea, oro har: Oso ona

Bi txorrota daude hau baino merkeagoak, eta dutxa hartzeko, honek dauka emaririk handiena. Etiketa gaizki emana du, ez baitu jartzen ekoizlearen helbiderik.

Tres Club-Tres

 

• Prezioa: 203,53 euro
• Kalitatea, oro har: Oso ona

Txorrotarik garestienetakoa da. Proba guztiak gainditu ditu, eta legeak agintzen duen bermeaz gain (bi urtekoa izan behar du), beste hiru urteko bermea eskaintzen du aukeran.

Tebisa Ente

 

• Prezioa: 142,33 euro
• Kalitatea, oro har: Oso ona

Erdi pareko prezioa dauka, eta honek ematen du erantzunik kaskarrena beste txorrota bat irekitzen denean.

Rousseau Caress

 

• Prezioa: 99 euro
• Kalitatea, oro har: Ona

Txorrotarik merkeenetakoa da. Zahartze proba egin dugunean, honi soilik agertu zaizkio burbuilak gainazalean. Legeak agintzen duen bermeaz gain (bi urtekoa izan behar du), beste hiru urteko bermea eskaintzen du aukeran, baina inon ez da ageri ekoizlearen helbiderik (arauak dio agertu behar duela informazio hori). Hortaz, ez da erraza hiru urteko berme gehigarria lortzea.

Grohe Precision Comfort

 

• Prezioa: 243,99 euro
• Kalitatea, oro har: Oso ona

Hau da garestiena, eta ur hotza moztu dugunean, honek lortu du emaitzarik onena.